استفسار ضروري عن حادث سار لي اليوم كيف الاجراءات

[تويـوتا]

السلام عليكم ورحمة الله وبركاته


الله يمسيكم ويصبحكم بالخير


الله يطول لي باعماركم بدخل الموضوع سيدا


اليوم بعد الدوام جاء واحد الله يسامحه وصدمني من وراء وراح الصدام و الاصطب وعدم ابو الخلفيه لي وهو ما جاء سيارته شي كثير حتى الصدام الامامي مانفك

سيارتي كوكو وسيارته اكسبدشن ^_^

المهم جاء عمنا نجم بعد انتظار ساعه وقيم الحادث وطلع عليه 100% :SnipeR (40):


وجاني عطاني ورقه يقولي روح للمرور وورقه روح ل 3 ورش يقيمون لك الحادث وروح لمحل قطع غيار يحسب لك التكلفه وورقة لشركة التامين



انا دوخت معه هو واوراقه ما فهمت وش له ذا الزحمه كلها


ورقة المرور الي فهمته منه اروح ويختمونهها لي وبس الي هي ورقة اصلاح مركب


وورقة الورش وقطع الغيار يقول اروح اسعر 3 تسعيرات ورش مدري يعني اروح اطمر على عمال الورشة ويقيمون لي ولا كيف الشغله والمحلات اروح افقع المحلات طبعا لا ورش ولا قطع غيار واطمر عليهم اعطيهم الورقه وهم يعبونها ولا كيف !!

وشركة التامين لما اروح لهم وش يفيدوني فيه


ولا هنتم وين اروح اول مكان فيهم المرور ولا الورش ولا التامين بالترتيب ولا كيف يعني


الله يعطيكم العافيه مقدما واعذروني على كثر الاسئلة اول مره اسوي حادث :SnipeR (72):

جزاكم الله خير