حصري تجمّع قبل عطلة الربيع

[تويـوتا]

السلام عليكم

حي الله الشباب كلهم

اخباركم عساكم طيبين ؟

ما اطول عليكم

المراد

امس الثلاثاء سولت لي نفسي اني اخذ جوالي و انا اللي ادور بالاسماء واحدن غالي يقال له شاعر الصمت

و ادور و ادور و ادور الا و اسمع هكالحس اللي يقول هيييييه هيييييييييه شفه متغبي هنا

المراد و انا اللي ارعص على اسمه و يطلع بالجوال التالي .. هذاي ازهم على شاعر الصمت اصبر تسود يرد ( تخبرون جوال قصيمي ههههه )

المراد و كالعاده يرد علي عثمان يقول هااااااااااه وش تبي < < تسذوب تراه

قلت له الوضع كيت و كيت و كيت و وش رايك

قال خلاص كيت < < يقال لك شرحت هالحين

الموضوع ياشباب اللي هو تجمع قبل اجازة الربيع

مثلاً لامن قالو السبت الجاي هو اجازة الربيع يصير هالاربعاء او الثلاثاء هو التجمع .. لأن الشاب السعودي حفظه الله معروف يسحب على جامعته او مدرسته او دوامه قبل اجازته وهذا اصل متأصل بالشاب السعودي .. إلا اذا فيه واحد سعودي اسمه مصطفى بسيوني و لابس نظارات و يبي يدرس حتى الخميس هذا واحدن ماسكن الايسر و مطفي النور مايدري وش الطبخه

المراد

وش رايكم بتجمع يوم الثلاثاء او الاربعاء قبل اجازة الربيع

عثمان قال مافيه مشكله و كالعاده قال قدام

طبعاً هو اقترح ان التجمع يكون بحايل < < بينجلد من عثمان

هو قال اوك و نشوف الشباب

و بما ان موضوع السوالف يجي فيه باليوم رد او ردين بالكثير قلت اطرح هالفكره بموضوع مستقل ازين علشان الشباب ينتبهون و يتحرك القسم شوي بدال ماهو نايم

طبعاً اول واحد لازم يحضر هو $$البرنس$$

و اذا ماجاء بينقتل شكله < < هد اعصابك يبو

المراد و بعد هالحتسي ذا كله دوكم فوق بوه خيارين ارعصو على واحدن منهن و صوتو