نصايح عالطاير (الجزء الاول)

[هوندا]

السلام عليكم ورحمة الله وبركاته
حبيت اقول بعض النصايح لعشاق الملكة ويمكن يعترض بعض الاعضاء لكن النقد البناء مطلوب
والنصايح كالتالي:
1- بعض مشاكل التنسيم عليك بوزن الخط (النحتة) من اول السيارة حتى اخرها عالضمان في قسم السمكرة وبعض الاعضاء بقولوا لي اصلا " موزون وباقوله دقق زين والله يوفقك
طيب وين الخط اللي تتكلم عنه نبي صورة اقول كلن يعرف الخط اللي في وسط البيبان من الرفرف الامامي حتى الشنطة
2- غير كلبيرات عالضمان ولاتنسى الاقمشة برضوه عالضمان
3-بالنسبة للون بعض الاعضاء تشتكي من ان اللمعة راحت يا حبيبي بلا تلميع بلا خرابيط وخاصة اصحاب الاسود والعودي تحس ان فيه طبقة بيضا عالبويه ومخوش
انصحك بغسيل البخار الخارجي مو الداخلي
وراح تلاحظ الفرق وتدعي لي
وانصح اهل الرياض بمغسلة بالروضة على طريق انكاس (خالد بن الوليد)بعد اسواق الرياض مول عد الاشارة بعدها بمسافة 100 متر محطة عاليمين فيها هوساويه شغل عالكيف بس الله يعينك على ساعة كاملة وبخمسين ريال من برا
4-لاتعبي زيت الدركسون والقير من عند اهل ورش الزيت انصحك بالوزنية اللي بالوكالة لان اي زيادة راح يطلع صوت الدركسون والحنة اللي بالقير
5- بالنسبة للفرامل خل رجلك خفيفة عليها واعطي نفسك مسافة قبل ماتوقف
6-قبل السفر ركب البرقع ترا سعره زهيد عند الاسماعيل بالغرابي للمحافظة عالوجهيه او اي مكان
وللحديث بقية
وختما" التوفيق للجميع