مساعده [ عـنـدي أسـئـلـة اتـمـنـى الـقـى لـهـآ جـوآب ]

[تويـوتا]

السلام عليكم ورحمة الله و بركاته ,,

معآكم عضو جديد بـ المنتدى الافضل من الرائع الصراحة من ناحية فوائد صور جميلة علوم سنعة كل اللي يعجبك ..

و لعلى و عسى نلقآ لنا ترحيب بـ هالمنتدى ..

وهذا اول موضوع لي وان شاء الله الاسئلة تفيد و تعم الجميع ..

وقبل لا اطرح الاسئلة اعطيكم معلومات عن موتري عشان تكون الصورة واضحة لكم ..

نوع السيارة فورتشنر موديل 2006 القير اوتوماتيك 4 سلندر و الموتر دبل ..

الأسئلة :

السؤال الأول / انا قبل لا اشغل السيارة دائماً تكون رجلي على البنزين وادق سلف ويكون صوت الموتر قوي و السبب اللي خلاني اسوي هالحركة يكون فيه رجه بالسيارة واذا دست تروح الرجة هل فيه ضرر بـ الحركة هذه ؟

السؤال الثاني / انا كفراتي FALKEN 275 و كفرات الوكالة بريجستون 265 اتوقع اتضح لكم ان كفراتي اعرض من الوكالة هل فيه ضرر على الكارونة او الدفرنس ؟ و ودي تعطوني افضل كفر للموتر لاني بغيره قريب

السؤال الثالث / موتري مشآ 230 الف و لاعمري غيرت زيت القير ولا فلتر القير وش اسوي اغيره ولا عادي اكمل عليه ؟ و اغلب الممشا كله خط وعلى سرعة عالية

السؤال الرابع / غالباً اكون مسرع بالخط واذا جيت اتجاوز احد وابي الموتر يشد احط القير برقم ثلاثة اللي جمب D يكون يسار لين مايشد اوصل لسرعة 160 الفصلة وارجعه لـ D والحركة هذي اسويها بالقومات دايم اكون حاطه بـ L بعدين 2 بعدين 3 بعدين D هل فيها ضرر ؟

السؤال الخامس / عندي الكنداسة مكسورة و اشم ريحة العادم دايم اذا وقفت عند اشارة من تحت كرسي الرديف هل فيها ضرر ؟

و اخيراً اتمنى تعذروني يا اخواني على كثرة الاسئلة شاكر لكم مقدماً ,,

اخوكم / رحَال القصيم :SnipeR (5):