ترهيم قفل مركزي للهايلكس 2006 وفوق (للراكب)

[تويـوتا]

بسم الله الرحمن الرحيم

السلام عليكم ورحمة الله وبركاته :

مشكلة يعاني منها الكثير وانا اولهم :**** وتدور ببالي هالفكرة من زمان

ولكن ما فضيت لها الصراحة عاد يوم الله كتب وتيسرت الأمور

بديت ولا تكلفت يالله لك الحمد، ووالله ما تسوى تِمصّع المعزّبه كل

مانزلت لمحل وهي معي تفتح لي وتقفل، تكلفة العمل تقريباً (30) ريال،

والمطلوب : مفتاح قفل مع الفيش كما هو واضح بالصورة حق كامري 2007 وفوق

بـ 25 ريال و سلك شبكة من أقرب محل كمبيوتر المتر بـ 1.50 ريال ونص

ونبدأ بالشرح على بركة الله :


. فحص الأسلاك من قفل السواق المركزي

http://3.bp.blogspot.com/-eU-YpZgev4A/T5H8qveF0KI/AAAAAAAAABg/_G1VPvFupcE/s1600/Picture+001.jpg


. يوم شفت الشغلة متعبة لأن يبي لها تمديد من باب السواق لين باب الراكب
نزلت عند العلبة اللي جنب الكلتش وفحصت الأسلاك

http://1.bp.blogspot.com/-xQ1lz_vpNdI/T5H8rToZolI/AAAAAAAAABk/Vsu-J0sbd3A/s1600/Picture+002.jpg


.لقيت الأسلاك وجرحتهن وسويت تمديد.
هن سلكين واحد للفتح وواحد للقفل (شرح البحث عن الأسلاك بنهاية الموضوع)

http://3.bp.blogspot.com/-WtoKAiN2Lvc/T5H8sNHFWHI/AAAAAAAAABs/CRCDg5UQLwI/s1600/Picture+003.jpg


.بعد ما شبكت الأسلاك ومددت
(انتبه وانت تتعامل مع هالأسلاك لأنهن صغار بالحيل
وممكن بدال ما تجرح السلك تقطعه وابعد مسافة عن الفيش الرئيسي)

http://1.bp.blogspot.com/-cEUOSeTEdIg/T5H8s5gw41I/AAAAAAAAAB4/uXDLfB2QjOc/s1600/Picture+004.jpg


.وهنا احترت وين أركب الفيش لأن ما ودي اقص واخرب التخشيب
وشفت ان المكان هذا أنسب مكان، جنب الولاعة بأحد الفتحات

http://3.bp.blogspot.com/-1XdI7X8cnqQ/T5IBq51UKoI/AAAAAAAAAD4/kzohb02qNYU/s1600/020.JPG


وكان عمق الفتحة كبير وعشان كذا قصيته بمنشار
عشان يطلع القفل ويكون بارز

http://2.bp.blogspot.com/-t3uE9WeS9dI/T5H8uFj0VJI/AAAAAAAAAB8/6ic_GmcJ-Ww/s1600/Picture+005.jpg


مقارنة باللي جنبة

http://2.bp.blogspot.com/-GKnH8wwhT8o/T5H8uo0eQ-I/AAAAAAAAACE/iHk9aTP1BTM/s1600/Picture+006.jpg


من الخلف- تركيب القفل المركزي والغراء (أبو جنّية) SuperGlue

http://3.bp.blogspot.com/-Z1gg1L0EGlo/T5H8vr2LSMI/AAAAAAAAACQ/ItaLtG0X4lo/s1600/Picture+007.jpg


وهذا شكلة من الأمام

http://4.bp.blogspot.com/-FHEmaKQgmrY/T5H8xdKCWMI/AAAAAAAAACU/FAiQo5V6p5U/s1600/Picture+008.jpg


وهنا تمديد الأسلاك للقفل (السلكين الخضر)

http://4.bp.blogspot.com/--qU7fDDlquE/T5H8yKZQjVI/AAAAAAAAACc/El4NW1HE1iM/s1600/Picture+009.jpg


تركيب الأسلاك بالفيش (قفل+فتح) وواحد أرضي(أقرب مسمار)

http://4.bp.blogspot.com/-79qr9j40zz8/T5H8zHWItZI/AAAAAAAAACk/7nzSjQX937I/s1600/Picture+010.jpg


بعد كبس الفيش بالمفتاح وتركيب الديكور

http://1.bp.blogspot.com/-EAKpnXXKHrA/T5H8zwEoQeI/AAAAAAAAACs/BmvzFt_JPd4/s1600/Picture+011.jpg


الشكل النهائي

http://2.bp.blogspot.com/-RD_jWLtgy_s/T5H80iPcMLI/AAAAAAAAAC0/20BrnVdBfFk/s1600/Picture+012.jpg


الشكل النهائي من جهة ثانية

http://2.bp.blogspot.com/-uUsjeYzeCm0/T5H81RN4muI/AAAAAAAAAC8/mp4P5FJ9Bqc/s1600/Picture+013.jpg


وهنا حبيت اسوي ديكور للشكل الخارجي
قصيت الزوائد والمقابض الي كانت مغطية الفتحات وفتحت لها من النص
مقاس المفتاح

http://1.bp.blogspot.com/-er3ISbEzq18/T5H818dqB4I/AAAAAAAAADA/27w0WCZPLRs/s1600/Picture+014.jpg

http://3.bp.blogspot.com/-_lCjezcVRPw/T5H82TTo5MI/AAAAAAAAADM/HnrokheJoPs/s1600/Picture+015.jpg


وركبته هنا عشان تسكر الفتحات الي حوالين المفتاح

http://2.bp.blogspot.com/-o4nG2LrpiOo/T5H83UWGUxI/AAAAAAAAADU/XSoOnzja0Nc/s1600/Picture+016.jpg

http://2.bp.blogspot.com/-TlXI6Ij1ssg/T5H84DiSzqI/AAAAAAAAADc/34qnpFo4WH4/s1600/Picture+017.jpg


كان عندي فكرة قديمة مره بس توه تتيسّر للتنفيذ

فيه نكبة كبيرة اذا قفلت على المفتاح بالسيارة

ممكن تكون مسافر وممكن تكون بالبر وممكن تكون بعيد

هذا غير استغلال حقّين المفاتيح :****

الفكره اني احط فتح قفل بس خارجي برى السيارة ومخفي

بحيث انه اذا قفلت على مفاتيحك تضغط الفاصل هذا ويفتح البيبان

سويتها الحمدلله وضبطت يارب لك الحمد والشكر

وطريقته : نفس سلك فتح الأبواب سو له تمديد خارجي وركب له

فاصل وسلك ماص وصلى الله وبارك :****

لكن الضحك بالموضوع وانا قاعد اشتغل واركب القفل المركزي للراكب

تحمست وفصخت ثوبي وبه كل مفاتيحي وحطيته بالمرتبة الي ورى

وانا قاعد اهوجس بفكرة الفاصل الخارجي

ويوم خلصت قفلت على عفشي وبلشت :**** لمين رحت لبيتي وجبت السبير.



وحطيت الفاصل هنا




















http://1.bp.blogspot.com/-yh3Vn51i8F4/T5IVrmzkkcI/AAAAAAAAAEA/1qxziZiobJU/s1600/untitled.JPG

وش تدور يالحبيب..؟؟!!

قلت لك مخفي يعني بعلمك وينهوبه ؟؟؟؟

ههههههههههههه

إلى هنا انتهى الشرح بالصور

وباقي طريقة فحص الاسلاك كالتالي: بالنسبة لي عندي لمبة مركب عليها دبوس

وسلك للماص وبديت الامس الدبوس بالأسلاك الأساسية اللي من الظفيرة عند الكلتش

-وللعلم هي مجموعة اسلاك للتحكم وقفل الدرايش ومن ضمنهن سلك القفل-

(المفروض انه تولع اللمبة اذا لامس سلك القفل) لكن بما إن القفل المركزي حسّاس

بالحيل يصير كل ما لامست الدبوس بالسلك حق الفتح يفتح واذا بالسلك

حق القفل يقفل، صار كأنه موصل يعني

أتمنى يكون الشرح وافي وأي استفسار انا حاضر.

مدونة : الهللللللللللي (http://haloola1.blogspot.com/)

لا نستغني عن آرائكم بالمدونة علماً بأنها منكم وإليكم لطرح اي افكار

أو ابداعات حيث تكون مرجع لنا وقت الحاجة، ولا اخفيكم انني أجهل بعض

أمور الترتيب بها ولكن سوف تتعدل إن شاء الله وأول موضوع كتب بها هذا الموضوع

آمل اثرائها بكل جديد ولو كان منقول ولكم خالص التحية

أخوكم/ إحمود الخمبقاني (أبوفـهـد)




.