للفائدة: بخصوص الفحص المجاني وتغيير الكفرات

[هوندا]

السلام عليكم ورحمة الله وبركاته..

حبيت أشاركم تجربتي في الفحص المجاني وتغيير الكفرات،،

أولاً: الفحص المجاني

وديت السيارة صباح يوم الخميس آخر يوم في الفحص المجاني بصراحة كانت التنظيم ممتاز جداً، بالرغم أنه كان فيه زحمة سيارات غير طبيعية بحكم إنه آخر يوم في الفحص.
باختصار شديد: الفحص جيد ، لكن كان الهدف الواضح جداً هو تحريك سوق الصيانة، وهذا الواضح بملاحظات الفحص اللي هي:
- تغيير جلد المساحات
- تغيير الكفرات
- صيانة 100 ألف (بواجي + تغيير زيت القير + تغيير زيت السيارة)
- التكلفة: 1500 وشوي!!

مع العلم إنه سيارتي أكورد 2010 وماشافت الصيانة بعد 15 ألف لأني حسيت إنها ضحك على الدقون لاأكثر ولا أقل.
باختصار ماتحتاجه سياراتي: (بواجي 351 ريال + زيت قير 198 ريال) المجموع 549 ريال.

،،،،

ثانياً: الكفرات

طبعاً قبل مايتكرمون الوكالة ويقولون لي غير كفرات أنا في بالي أغيرها من فترة وماخليت موضوع هنا يتكلم عن الكفرات مادخلته وزادت حيرتي أكثر وأكثر، المهم بعطيكم نوع الكفرات اللي غيرتها وسعرها وملاحظاتي عليها عشان أريحكم..

- نوع الكفر: ماكسس 225 - 50 -17 تايواني (من راسي مغامرة)
- سعر الكفر الواحد: 410 ريال ، الطقم: 1630 ريال
- ملاحظاتي: السيارة كانت على كفرات الوكالة ميشلان (طبعاً يسمح لي اللي يمدح الميشلان ماعنده سالفة) من ناحية الراحة والصوت سيئة سيئة سيئة بالثلاثة أنواع الأصوات والقساوة، بعد ما غيرت للماكسس بصراحة فرق شاسع 180 درجة السيارة فعلاً صارت مريحة واختلفت كثير وألين في المطبات والصوت اختفى..

هاذي تجربتي،، وتقبلوا تحياتي