مشورتكم اخواني والله يسامح اللي كان السبب

[تويـوتا]

السلام عليكم و رحمة الله و بركاته

أحبتي امس العصر طلعت من المكتب و لقيت سيارتي في المواقف مشخوطة بما يبدو انه مفتاح من الرفرف الخلفي الى نهاية باب السائق يعني تقريباً الجنب كله ما عدا الرفرف الامامي

و طالع لون الاساس ( ابيض) ...الله يسامحه اللي سواها ولا ادري وش دوافع اي انسان يسوي مثل هالشي

و المشكلة علاقتي مع الجميع ولله الحمد ود و احترام ولكن الحمد لله على كل حال

انا سألت محل تلميع قال تخف شوي بس ما تروح طبعا سيارتي لونها اسود

سؤالي أحبتي : هل فيه ورشة بالرياض أو اي مكان ثاني يقدر يضبطها بدون رش كامل

اللي عنده علم بهالموضوع لا يحرمنا من رأيه والله يجزاكم عني خير الجزاء

و لكم من فائق المحبة و التقدير

اخوكم ابو عبدالرحمن