مساعده السلام عليكم سؤال بخصوص القير العادي او التماتيك اسعفوني بـ اول مشاركه لي

[تويـوتا]

بسم الله الرحمن الرحيم
السلام عليكم ورحمة الله وبركاته
صبحكم / مساكم الله بالخير
حبيت أشارك بأول مشاركة لي في منتداكم ( تويوتا العربية ) الأكثر من رائع وأشكر جميع القائمين على المنتدى من إدارة ومشرفين وأعضاء وفقكم الله


معاكم اخوكم علي العنزي من الكويت وهذي اول مشاركه لي اتمنى تفيدوني

يالربع انا معاي موستنج 2008 قير عادي . وزهقت من القير العادي لدرجه ماتتصورونها لان كلج الموستنج ثقيل + طويل ولازم تدعسه الدعسه كلها والموتر ثقيل يعني اطلع العصر ارجع بليل اصابع رجلي اليسار نايمه ! المهم ماطول عليكم اعتقد وصلت الفكره


وانا خلاص قررت ابيع الموستنج وابيلي جيب وعاجبني لاند كروزر 2008 وفوق سقت مال واحد من الشباب 6 سلندر قير عادي الصراحه الكلج مو طويل وخفيف وتبديلات القير حلوه بس متحير جدا اني اخذ عادي 6 سلندر واتندم نفس ماصار معاي بالموستنج ( بالبدايه متعه - بعدين ملل وضيقه وماتقدر اتمشى على راحتك وتعب )


اتمنى انكم تنصحوني وتفيدوني 6 سلندر قير عادي او 8 سلندر تماتيك ( وبكل الحالتين انا بركب عليه بوالين وهدرز والسوالف هذي وابيه مع التفتفه يرمي وسبير علاق ؟ يعني شرايكم انتم هل التماتيك 8 سلندر يصلح للسوالف هذي يزلق ولا ثابت ونفس الشي مع السته سلندر قير عادي فيدوني يرحم والديكم . ( والي عنده شطحه عن جيب ثاني خل يشطح مو مشكله ) ادري طولت عليكم بس مالي غيركم وسلأم ,