معلومه هل تريد امتلاك اف جي ؟ ولكنك متردد...ساحكي لك تجربتي....

[تويـوتا]

.
.
.
.
.
.
.
.
بسم الله الرحمن الرحيم
من خلال متابعتي للمنتدى وجدت الكثير من الشباب يسأل عن الاف جي ولملاحظتي ان البعض ربما يأخذه حبه للسيارة وتعصبه لها فينسى بعض عيوبها ويصفها على انها قطعة من الكمال
فيتفاجأ من يمتلكها بعد ذلك ببعض الاشياء التي لم تذكر له عند السؤال فيصاب بصدمة ريما يكره بعدها سيارته..لذا اردت الاجابة بكل شفافية
.
.
اخي من تسأل عن الاف جي خصوصا الـ2012 بما اني مررت بنفس تساؤلاتك واشعر بالحيرة التي تدور في ذهنك راح اكون صادق معك وانقل لك انطباعي الشخصي عن هذه السيارة بكل صراحة بعد تجربة دامت حوالي الخمسة اشهر.



الموتر هذا بالذات فيه اختلاف عليه لدرجة كبيرة


بين الناس مابين معجب ومنتقد وماينفتح موضوع


يخصه الا تجد تناقض في الارء حتى مابين ملاكه


سواء من ناحية الشكل او الاداء وطبعا الشكل


محلولة لانك انت الحكم ولاتحتاج سؤال.......
هذه نقطة


النقطة الثانية
وبحكم تجربتي للسيارة فترة بسطة راح اجاوبك بكل امانة لكن قبلها ياليت تتطلع على


موضوعي الذي سبق شرائي للسيارة
(
http://www.toyota4arab.com/forum/t201761.html (http://arabmotors.mosw3a.com/!201761!http://www.toyota4arab.com/forum/t201761.html))
.
.
.
.
راح ابدأ بالشي اللي ناسبني واعتبره من حسنات الاف جي


__اذا انت من اللي يحب سيارات البر اللي تتميز


بالنشاط والخفه والتسارع خصوصا اذا كانت رغبتك


في قير اوتوماتيك فالاف جي يوفر لك هذا الخيار وبقوة .


__اضافة الى كونه موتر لين وتقدر تجمع فيه مابين


سيارة المدينة اللي تروح بها لعملك وتقضى عليها


مشاويرك اليومية وفي نفس الوقت تكون عزبتك


في الشنطة وفي اي لحظة ممكن تحول مسارك


من البلد الى البر بدون ماتحمل هم تغيير السيارة او


خوفك انها ماتجملك او توصلك للمكان اللي تبيه


فالاف جي مايأخرك الا انك تعبي بنزين وتتوكل على


الله لانك راح تلقى مطلوبك __ (بأختصار اذا تحب


موتر متعدد الاستخدامات او بالاصح مزدوج


الاستخدام في حدود ماذكرت اذا اغفلنا جانب


السفر لمسافات طويلة فالاف جي خيار ناجح


وذكي للعزوبي ولصاحب العائلة الصغيرة .بلد بحر زرقات بر)..
اداء السيارة في البر يترك لديك انطباع جيد_ وان كنت اتحفظ على وضعية السائق داخل المقصورة_


__نقطه حمستني امتلكه انك ماتخاف يبور عندك


في حال ماجاز لك لان عليه طلب بكثره ويمسك


قيمته بعد الاستخدام وهذا جانب مشجع للي يبي يجرب بنفسه.



.
.
.
.
الحين اجي للشي اللي ماناسبني واشوف انه من عيوب الاف جي من وجهة نظري بعد ماجربته
ماهو سمعت او احد قال لي وهذا الاهم بالنسبة لك .



__وضعك على مقعدة السائق مايعطيك احساس


بانك مسيطر على السيارة ومكتشف جميع زواياها


وانا اعاني من هذا الشي خصوصا في البر .


__المقاعد الخلفيه لايمكن امالتها للخلف.
__يستهلك بنزين واجد .+ تانكي البنزين صغير ولا يوجد تانكي احتياط.


__فيه اصوات خلخله في الديكورات الداخلية .


__صوت الدبة ملاحظ خصوصا لك في البداية او للي يركب معك.


__طقة في القير تسمعها مع التعشيق وهي اكثر شي يحسسك بعدم الامان بالذات اذا كنت ماخذ الموتر جديد مثل حالتي فراح تتساءل وتقول اجل بعد سنتين او اكثر اذا انكرف وش اللي بيصير في المحركات اذا هذي البداية.


__يجمع الغبار بكثرة على اخر السيارة اثناء المشي في البر بسبب التصميم.

__زاوية استدارة السيارة واسعة جدا بمعنى انك اذا كنت في منعطف ضيق ربما تحتاج ان تعود للخلف كي تجتازه او ان تخرج عن الطريق بينما لوكنت في سيارة اخرى ستكون زاوية دخولك اضيق بكثير.

__راح يزيد عليك الوقت في انتظارك غيار زيت السيارة اذا اخذت الفل بسبب الصاجة .


__اخر نقطة السعر مبالغ فيه جدا على سيارة بمواصفاته لكن اللي يشفع في ذلك عدم وجود البديل المناسب اللي ممكن يمسك سعره مثل الاف جي.


.
.
.
.
.
وكي اكون واقعي فالموتر على ماذكرت مازال تحت التجربة ولا زال في نظري مابين بين فتاره يكون


الميل لعقلي فيزعجني فيه ماذكرت من سلبياته


وتاره يكون الميل للعاطفة فأثني عليه كونه اختياري ويوفر لي بعض مااحب...
.
..
.
.
وفي الاخير لاتعتبر اني بكثرة ذكري للسلبيات المح


لك بالابتعاد او صرف النظر عن شراء الموتر ولكن


كونك تهتم بالمعلومة الصادرة عن تجربة ركزت على ذكرها كي لاتصدم فيها بعد شرائك للموتر ..


.
..
.
واستميحك على الاطالة والاطناب فالموضوع لن يتضح دونهما.
.
.
وبالتوفيق