أرجو مساعدتكم في اتخاذ قرار شراء أفالون 2012 ..

[تويـوتا]

بسم الله الرحمن الرحيم


اسعد الله اوقاتكم بكل خير و سرور ..

أخواني انا مسجل في المنتدى لي فترة ..

جيت هنا استشيركم وكلي أمل في مساعدتكم ..

انا اعمل بالقصيم و لكني من مكة ، واحتاج سيارة للخطوط الطويلة ..

في الأول فكرت في برادو لدرجةاني دفعت الدفعة الأولى و لكن بعد شهر لم يتم توفير السيارة فرجع لي البنك الدفعة في حسابي ..

قلت هذه اكيد خيرة .. رجعت فكرت في الاوريون الجديدة ولكني خفت من مشكلة القير الموجودة في الجيل السابق ..

رجعت فكرت في الكامري وعجبني شكلها رغم انه كثير ماعجبهم شكلها ولكن في قسم الكامري شفت مواضيع كثيريشتكوا اصحابها من الكامري الجديدة وبصراحة دبّ الخوف في قلبي ..

رجعت للتفكير في السنيورة المصونة الأفالون ..

رغم انها كانت اول خياراتي لكني حدت عنها ..

الآن شفت الشكل الجديد من الافالون موديل 2013 ومع احترامي لكل اللي عجبهم لكنها مرررة ماعجبتني ولا دخلت في بالي وبالذات وجهيتها مااحسها مهيبة مثل الجيل الحالي ..

قررت الآن مبدئيا اني ارجع للتفكير في الملكة و ابغى نصائحكم عنها ..

هل هي سيارة تعيش لـ 6 او 7 سنين الراحة استخدام حشمة وطبعا خطوط طويلة وانا متزوج يعني ماعندي حركات بعض الشباب الله يهديهم اللي هي القومات والمطارحات وكذا ..

وكيف قطع غيارها ..

ابغى اتوكل على الله واخذ افالون بدون شاشة ، و لكني ابغى نصيحتكم هل اخذها 2012 ولا 2011 وايش الفرق بين هذين الموديلين ولو اني ماارى فرق بينهم ..


اتمنى تساعدوني و تشيروا علي بالنصائح اللي احتاجها منكم ..

طبعا فكرت في سيارات ثانية بس مستحيل راح الاقي بجودة تويوتا الا لو رحت للكزس ولا بي ام او مرسيدس وطبعا الحالة على قدي و يالله يالله القسط اسدده ان شاء الله كل شهر مع قسط قرض البنك خخخخخخخ


مع توقعي انه عند بيع السيارة بعد ستة او سبع سنين على خير ، ما راح ينزل سعر السيارة حتى مع قدوم الجيل الجديد وانتشاره وقتها في السوق ، ولا تخالفوني الرأي ؟؟


اتمنى من كل مالك للأفالون انه ينصحتي و يقول لي عن مميزات السيارة وعيوبها ..


دعواتي لكم بالتوفيق والمعذرة على الإطالة ..


اخوكم : ماجد