المساعد الشخصي الرقمي

مشاهدة النسخة كاملة : يوم المصايب العالمي

تويـوتا
11-03-2010, 11:51 PM
السلام عليكم ورحمة الله وبركاته

ياعياال والله اني منغبن غبنه شايب فقد ولده الوحيد

كنت طالع بروح للشباب في الهافمون
المهم يوم قطعت نص المسافه ولعت لمبة البنزين
والخط اللي انا فيه مافيه ولا محطه
وفي محطه اعرفها في خط قريب من الخط اللي انا فيه
وقلت مالي الا اخذ صحرااوي
وانزل عن الخط وامشي على هوني في خط ردميه
المهم ولقيت قدامي تغريز
شديت عزم الموتر عشان مايغرز
مادريت الا الحفره اللي بين الردميه والتغريز وآكلها على سررعتي
وانواااع الطقاات اللي تحت
حسسيت ان الدنيا سودت في وجهي ههههههههه
قلت بس راح فيها الموتر
يوم وصلت المحطه باقي في عداد البنزين 3 كيلو
الله ستر
بسس المصيبه يوم نزلت
الصدام اللي ورى من تحت اكل من الحصى لين قال بس
والصدام اللي قدام تمخش من تحت الشبك اللي تحت اللوحه وجته ظربه تحت اللوحه بالظبط
ومن جهة الصدام اليمين منكسر المسمار اللي يمسك الصدام وطالع الصدام
والكشاف الايمن طفى معد يشتغل

على العموم الحمد لله اللي جت على كذا


وش الحل برايكم
المسمار وين القاه حق الصدام .. لأني جربت كذا مسمار مازبط
والمخشات اللي في الصدامات وش الحل معها
الصدامات مجررحه وطالع شكلها بايخ
والكشاف وش السواة فيه


ومن تحت الصدام اللي قدام اذا ظربت بيدي عليه يطلع اصوات قطع صغيره متكسره داخل

والله اني منغبن .. محافظ على الموتر ويصير كذا :confused:

الحمد لله على كل حال