تويـوتا
11-08-2010, 05:36 PM
كان عندي مشكله اللمبة معلقه وشغاله علامة (( VSC OFF )) وإذا شغلت الدبل الخفيف ماتطلع لي العلامة الخضراء حقت الدبل أما الثقيل مع الدفلك تطلع لي العلامه الحمراء حقت الدفلك بس وأما زر السحب (( A - trac )) ماتشتغل عندي علامته ودخلت الموتر الوكاله قالو لي تكلفة تصليحه بـ 8200 ريال ورحت طلعت الموتر من الوكاله ومن بكرا دخلت النفود ومبسوط والدبل شغال بس علامة الدبل الخضراء ماتطلع لي .. وجلست اطامر بالنفود وتطعيس .. بالأخير يوم طلعت من النفود طفت اللمبة اللي كانت معلقه (( VSC OFF )) وجلست اضحك بقووه ومبسوط لأنه طفت اللمبه وجلست اقول بنفسي بلا وكالة بلا خرابيط واضحك .. لكن حصل مشكله بدأت تطلع لي علامة الدبل الخفيف وتأشر وأنا امشي والدبل مفصول واقدر اشبكه وافصله الوضع عادي لكن العلامة ماتطلع .. لكن اليوم دخلت النفود ويوم جربت الدبل مايشتغل وتوهقت بالنفود .. والحين كله واحد لو اشبك الدبل وامشي عادي ماعندي دبل كأني امشي بدون دبل ..والحين ابي حل وش اسوي ؟؟ وهل ادخله الوكاله وأدفع تكلفة تصليحه أو ادخله لأي ورشه ما ادري أي محل صيانه ؟؟ .. ياليت اللي عنده خبره يفيدني وبالتوفيق لكم .