تحذير لمن اراد تغيير طبلون الأمبيرات لأصحاب التاون كار

[فورد]

السلام عليكم ورحمة الله وبركاته
حاب اعطيكم هالنصيحه المجربه قبل حدود شهر ونص
طبعاً انا عامل احتياطي لأن عندي خلفيه عن هالمشكله انها راح تحصل
كان عندي نص لمبات الأمبيرات محروقه
وحسبت تكلفة تصليحها وتطلع الشغله هي نفس قيمة طبلون نظيف من التشليح
بالأضافه ان طبلون التشليح افضل لأن اللمبات لمبات اصليه وكاله
الحاصل بعد مافكيت الطبلون القديم وركبت الجديد جيت اشغل مارضيت تشتغل السياره
طبعاً كنت منسق مع مبرمج يجيني لنفس الموقع عشان يبرمج السياره
والسبب على قولته الطبلون غير معرف على الكمبيوتر
يعني نفس حركة الطابعه مع جهاز الحاسب الآلي لابد تتعرف عشان تقدر تستخدمها
وفوق هذا كله لابد من وجود ثلاث مفاتيح !!!!!!!!!!!!
بعد كذا اشتغلت السياره
حاب احذركم يا اخوان كل واحد بغير طبلون سيارته ترا لازم تتبرمج بعد التركيب وبدون البرمجه ما بتشتغل السياره معاك
وللمعلوميه مثلاً سيارتك موديلها 99 وتجيب طبلون 2001 ما بتشتغل معاك هههههههه
والسبب اختلاف الكهرباء
بس القهر ركبت طبلون ماشي حدود 300000 يبكي1
يعني القديم كان اقل منه بالممشى
تحياتي