أخر رأي توصلت له بشأن اختيار الكفرات ..

[تويـوتا]

السلام عليكم ورحمة الله وبركاته ...

إخواني ...

بعد البحث المضني عن الكفرات .. والمفاضلة الطويلة بينها .. ومتابعة ما يكتب عن أجود الكفرات .. وقراءة تجارب كثيرة عن جميع الكفرات ..

وطبعا خويكم راعي خطوط وتردد يومي حوالي 400 كم 200 رايح ومثلها جاي .. والموتر كامري 2009 .. (وتعرفون الكامري راسية بس رساوتها ماهي 100%100 مثل الكورد .. والراحة مريحة لكن ليس على درجة الفورد )

وطريقي يجمع بين السريع والزراعي ذا اللفات القوية ..

وبما إني لحالي فيعني هذا إني أدعس وامشي سرعات عالية بحكم الملل ..

-فأردت كفرات يجمعن بين الرساوة والهداوة والليونة والراحة والأمان العالي ..

بس ما لقيت كفرات يجمعن هذه المواصفات على مستوى عالي..

- تلقى راسي لكن له صوت ...
- تلقى صامت لكنه قاسي ...
- تلقى لين لكن الأمان ليس عالي ..

المهم ..

توصلت إلى إني أجمع هذه المواصفات بطريقة معينة وهي إني أركب نوعين من الكفرات ..

-وهذين الكفرين هما :

1- برجستون تورنزا ...

2- تويو تي بي تي ...

فالأول راسي والأمان عالي فيه (حتى إني سمعت إن واحد -مشرفنا الغالي دقات قلب- ضرب معه الكفر على 160 ولا تحرك الموتر) .. وصامت ويعيش معك .. لكنه قاسي

والثاني يرقع عيب الأول (القساوة) بالليونة والراحة العالية ..

وأحط الأول للكفرات اللي قدام (لأجل أن الكفر الأمامي إذا ضرب سلم على عمرك ) ..

والثاني للكفرات اللي ورا ..


فوش رايكم ؟ علما بأن الجنط 16 وأبي مقاس 225 والارتفاع 60 ...

نورونا ...