معلومه احترامي لكل من مدح البرجيستون

[تويـوتا]

السلام عليكم ورحمة الله وبركاته ...

الموضوع باختصار ..

شريت كفرات برجستون تورنزا جي آر(اللي يسمى أدريناالين) 90 16/215/60 السرعة v .. بـ420 للكفر الواحد بعد التنزيل والمكاسر .. ووكيله الطلائع بقشان .. صناعة اليابان .. تاريخه شهر 5 2010 .. التراكشين وغيره A .. ترادوير 260 ..

طبعا الموتر كامري 2009

المهم

خلاني أشريه المدح الغير طبيعي اللي شفته وقريته من الأعضاء ..من واحد يسميه الكفر الصامت .. والثاني يقول رساوة غير طبيعية .. والثالث مادري وش يقول ..

لكن .. بعد التجربة

لم يصل ولا إلى 50% من المدح اللي قريته ..

يعني الكفرات السابقة شد بلد يوكوهاما .. لا الرساوة ولا الراحة ولا الهدوء كلها لصالح اليوكوهاما .. رغم إن فيهن مسحية ماهي سهلة .. والزرع رايح أكثره ..

لكن البرجستون صراحة انصدمت فيهن .. وقلت وين هاللي يمدحون وحالتهم حالة ومقطعين حالهم مع الكفر الصامت الراسي اللي مافيه منه أبد ..

ما أقول إلا .. اللهم لك الحمد على كل حال .. كفر وتدبسنا فيه ..