((بخصوص بنزين الارمادا والمساعدات ارجو التعليق))
 

اخواني عندي استفسار طبعا انا معاي انفنتي كيو اكس وحطيت استفسار بقسم الارمادا بحكم ان قسم الانفنتي مشغولين بالموديل الجديد والاستفسارات عنها وان السيارتين الموديل السابق في نظام الميكانيكا والتعليق متشابهين لدرجه كبيره.

اول سؤال بخصوص البنزين طبعا انا مشيت على بنزين 91 وفتره مسكت فيه خط من دبي لين جده ولا لاحضة اي تاثير بالعكس ماشي معاي تمام بس يوم قريت الكتالوج حق السياره موصين على بنزين 95 وفي حالة الضروره استخدام بنزين 91 بصفه مؤقتها.
طبعا انا كنت ماشي على بنزين 91 في جميع السيارات الي شريتها ولا قد اشتيكت منه والحين صرت اعبي بنزين 95 بس مو مخارجني بحكم اني راعي لفلفه كثير وودي ارجع على بنزين 91 لاني اشوف صرفيته معقوله ومناسب.

سؤالي هل في احد جرب بنزين 91 على الارمادا وصارت عليه مشكله بسبب هالنوعيه وودي من الي ماشين على 91 لفتره طويله يعطوني انطباعهم هل لاحضو شي او ماشي معاهم من غير مشاكل وماودي احد يقول 91 مايصلح ويخرب السياره من غير تجربه وبناء على كلام الناس له لاني مجرب هالنوع على لكزس واكورد وجمس وهمر وكيا ولا اشتيكت منه ماشي معاي اخر حلاوه .


السؤال الثاني بخصوص المساعدات الاماميه لان بصراحه مساعدات الارمادا والانفنتي سيئه لا اكلت مطب ترج الطاره وتحس كان المساعد مفقوع وخربان وهو مافيه شي بس قساوته ضعيفه وانا ملاحظ ان اغرب مساعدات النيسان تعبانه ماهم متوفقين فيها زي الالتيما بعد والمكسيما .

هل في مساعدات متوفره هنا نركبها بدال حق بلدها لان رحت لوكيل جبريال قال المتوفر المساعدات الخلفيه بس و الاماميه مافيه ورحت لوكيل مونرو برضه ماعنده .

ومدري هل في احد جرب مساعدات معينه وظبطت معاه او لقي حل لان من نظريتي اشوف اقرب مساعد له حق جمس موديل 2007 وفوق بس للحين ماني متاكد انه يركب عليه او لا .

لان مساعدات بلدها سيئه في المطبات تحس الكفر ينقز والطاره تهتز كان المساعد خربان

انتظر تعليقاتكم المجربه حول النقطتين هذي عشان الكل يستفيد من هالموضوع