استفسار عن ضمان bmw x6 موديل 2008
 

السلام عليكم


اخواني بغيت استفسر منكم عن ضمان bmw x6 موديل 2008

قبل اسبوع تقريبا ظهرت لي علامة في شاشة السيارة ومكتوب ان المكينة فيها مشكلة
عقبها خذت موعد ويا الوكالة (وكالة دبي) ووديت السيارة عندهم يوم الاحد الماضي .. فحصوها وامس خبروني ان السيارة فيها مشكلة تتعلق بالبترول وحسب كلام الموظف ان هالمشكلة تعتبر من المشاكل الكبيرة فالسيارة .. والحين بيطلبون قطع الغيار من ألمانيا .. واحتمال السيارة تبقى عندهم اسبوع زيادة لين ما توصل القطع ويركبونها ويبرمجون السستم

وتفاجأت يوم قالي ان السيارة ضمانها منتهي .. قال ان الضمان بس سنتين والكونتراكت هو الي 5 سنوات او 100000 كيلو

وقالي انه بيحاول يكلم المسؤولين فالورشه انهم يصلحون السيارة تحت الضمان مع انه منتهي .. واذا ما وافقوا لازم ادفع ثمن القطع والتصليح !! والله يستر كم بيكلف التصليح :(

والقهر ان هالمشكلة مب اول مرة تظهر فالسياره .. قبل ظهرت نفسها وصلحوها تحت الضمان .. والحين ردت نفس المشكلة مرة ثانية بس المصيبة ان الضمان مخلص على حسب كلامهم

بغيت اسأل اصحاب البي ام .. هل صح ان الضمان سنتين بس ؟


ومشكورين :)