عرب موتورز arabmotors موقع السيارات العربي الاول - ....Test Drive Jeep Cherokee Liberty 2008....

العربية تقفيل مصرى لكن ممتاز لأنه تقفيل تابع للشركة الأم مش توكيل بيقفل

الخامات الداخلية نقدر نقول عليها مش فخمة أوى بس جميله - مش فخمة بالنسبة للتابلوه مثلا لكن الكراسى و العتب و القوائم الداخلية و السقف و الشنطة حلوين جدا

العربية 3700 سى سى 210 حصان (بس 210 تخان حبتين على رأى شريف شاكر )

على فكرة العربية كانت جاية عن طريق شريف شاكر :) بتاعت واحد قريبه و صراحة الموضوع ماكنش مترتب ليه خالص جات كده فجأه :) عشان محدش يزعل و يقولى ماقولتش ليه :)

الصور : هارفعها بعدين معلش لأنها على الموبايل و الكابل مش معايا دلوقت

الآداء:

بجد العربية خرجت عن توقعاتى تماما

السحب العربية وحش كاسر بالرغم من وزنها و حجمها بس وحش

الثبات ممتاز بجد أنا كنت فاكر عشان إرتفاع العربية مش هاتبقى بالثبات ده خالص خصوصا إنها أمريكى و خدت ملفات بسرعات و ثبات ممتاز خصوصا مع نظام ال ESP الجديد Electronic Stability Program

الأوبشنز إللى لفتت نظرى و عجبتنى فيها :

1- إن العربية ليها مفتاحين مع كل مفتاح تقدر تسجل 2 وضعية قيادة مختلفة (الكرسى و الإرتفاع ..)
2- ال Voice Recognition
3- البلو توث ال Embeded
4- إنت لو راكب فى العربية و بطلتها و الكاسيت شغال يفضل شغال لحد ما تفتح الباب يفصل على أساس إنك خلاص نازل
5- فيه فى العدادات مقياس ضغط الهواء فى الكاوتش كل فرده على حدى و يديلك إنذار لو حصل نقص فى أى فرده
6- الساوند سيستم محترم أوى 8 سماعات و السى دى بلاير بيقبل أغلب الأنواع الموجوده تقريبا مع إنه بياخد 6 إسطوانات فى نفس البلاير من غير وحدة منفصله
7- ال Multi Functions Wheel تقدر تعمل الزراير Custome على مزاجك ودى حلوة جدا

العربية كمجمل ممتازة و عجبتنى جدا مش عايز أقول إن الثبات بهرنى فعلا أوى بس مازدناش السرعه عن 130 تقريبا لإن الوقت كان ضيق و الطريق كمان

وشكر أخير لشريف هاشم لإتاحته الفرصة ليا لركوب العربية دى إللى تقريبا خلتنى أغير نظرتى كثير ل 4 * 4

ملاحطة أخيرة أنا ماركبتش 4 * 4 كثير قبل كده بس شريف ركب كثير و آخرهم اللاند كروزر الجديده و هو يقدر يقيم العربية أحسن منى