قبل دقائق .. تم الكشف على زيت القير cvt من خلال العيار وبكل سهوله .. بلا وكاله بلاهم
 

لسلام عليكم ورحمه الله وبركاته

الله يعينكم كلامي كثييير خخ

هرجتي ومافيها انه .... اول ماجيت المدينه كنت نااااااوي اغير زيت القير cvt وروحت عند ون ستوب اللي في المدينه وقالي اغيره لك بــ 600 ريال .... الجالون الواحد فيه 4 لتر ... والالتيما تحتاج تقريبا 6 لتر او اقل بشويه ... يعني جالونين

والجالون الواحد بـــ 275 يعني 275* 2 = 550 + شغل اليد 50 = 600 ريال

القهر انه ماينباع بالتر الواحد ... لازم تشتري الجالون كامل وفيه زيما قلنا 4 لتر

ــــــــــــــــــــــــ

عاد انا لما حسبتها قلت 600 ريال .... طيب خليني اروح الوكاله اذا السعر مقارب راح اغيره في الوكاله اضمن

وتوكلت على الله ورحت الوكاله وسألتهم وقالولي مايتغير ... قلتله يابن الحلال الواحد مايعرفلكم انتوا ..وقلتله الفروع الثانيه تقول تغيره على 80 الف ... وانتا الان تقول مايتغير

عاد اتصل على المهندس اللي جوا وقاله يكشف عليه اذا ناقص نزيده وفقط ..!!

وبعدها قلتله طيب كم تكشفوا عليه ....؟؟ قالي الكشفيه بــ 500 ريال :waaaht:

عاد لما قالي 500 ريال اعطيته ظهري ومشيت من عنده :bad_smelly:

ـــــــــــــــــــــــــــــــــــ

واليوم الصباح قلت ياولد خليني اروح ون ستوب واشوف هل يقدرو يكشفوا على الزيت cvt اذا ناقص او لا ..؟

وتوكلت على الله وقابلت الهندي اللي في ون ستوب وقلتله الوكاله تقول مايتغير الزيت ... وقالي دقيقه ... واتصل على واحد من ربعه اللي يشتغلون في الحمراني وقاله فقط يكشف عليه اذا ناقص يزيده واذا اللون اسود يغيره

عاد انا سألت الهندي قلتله .... يمديك تكشف على الزيت cvt تشوفلي هوا ناقص او لا ...؟

قالي .. اوكي وقف سياره هنا

عاد انا وقتها انبسسسسسسسسطت :dhh:

لاني كنت متوقع انه المعيار ماتشوفه الا الوكاله وفقط وانه له معيار خاص ..

ووقفت السياره وفكيت الكبوت ويجي عند السياره .... ويطلع المعيار قدام عيني .... وعند المكينه بالتمام :sexy_girl:


وطبعا يبغالك مفك عادي عشان تفك اللي حول العيار يبغاله دقه بسيطه وينفك بسهوله

وهذي صورته وهوا لسه مقفل

http://www.m5zn.com/uploads/2011/4/1...99mxfl358i.jpg


وهنا صورتين له بعد الفتح


http://www.m5zn.com/uploads/2011/4/1...cfcfeqj78e.jpg


http://www.m5zn.com/uploads/2011/4/1...4526oet7m2.jpg




وهذا عيار الزيت ونشوف هل هوا زايد او ناقص وكمان نشوف اللون



http://www.m5zn.com/uploads/2011/4/1...ed24f2v87e.jpg


http://www.m5zn.com/uploads/2011/4/1...bztwn21jqv.jpg


وماشاء الله واضح انه الزيت كانه جديد ولونه صافي وخفيف .... وايضا كمان الاهم انه مو ناقص ابدا

ــــــــــــــــــــــــــــــــــــــــــــــ

واخيرا

....ممكن فيه ناس تعرف بالموضوع هذا .... لكن بالنسبه لي اول مره اشوف هذا الشئ ... وكان على بالي انه العيار مايمديك تشوفه الا في الوكاله وانه له عيار خاص

وانا متأكد انه فيه اعضاااااء كثييييير مايدرو بالشئ هذا ... وانا كنت اولهم

على فكره تعرفوا بكم كشفوا على زيت القير cvt ؟؟؟

ولاتنسوا انه ون ستوب صيانه سريعه للحمراني

بــ 10 ريال فقط ... ولو ادري انه شغلته بسيطه كذا كان شفت وعايرت الزيت عند البيت

مع العلم ياشباب انه سيارتي ماشيه 117000 واليوم اللي شفت العيار وكذا لونه ومو ناقص ... حتى المهندس اللي ون ستوب يقول ماشاء الله الزيت حلو وجديد

والحمدلله اني ماغيرته وخسرت فلوس على الفاضي


على فكره ياشباب ... اذا بتعايير زيت القير cvt لازم تشغل السياره وتخليها شغاله وتشوف الزيت وهيا شغاله
وان شاء الله يكون الموضوع عجبكم

تقبلوا تحياتي

معاذ الأحمدي