طريقة تغير زيت القير cvt للالتيما 2008 وفوق + ينفع للماكس ايضا
 

السلام عليكم ورحنة الله وبركاتة

اخباركم نيسان بويز

حصلت طريقة تغير زيت القير بمنتدى اجنبي وحبيت اجيب الطريقة منقول طبعا بس ترجمت الخطوات للفائدة :dhh:

العدة المطلوبة

مفتاح الين مقاس 10 mm + زرادية
هوز طوله نص متر وقطر الفتحه 1 انش
علبة واحد لتر زيت فاضية او جيك تانج فاضي خخخ وتأشر على 1 لتر ووعاء ثاني كبير حق الزيت القديم
سكروب عادي
محقان لتعئبة الزيت oil funnel

وزيت القير طبعا واحد من الاعضاء ذكر لي ان سعر الجالون ب 230

الجالون فيه 4 لتر

http://i987.photobucket.com/albums/a...ek83/Tools.jpg

طريقة تشييك زيت القير
شغل السيارة وخذ لفة خفيفة لمدة 10 دقايق بعدين وقف السيارة وعشق التعشيقات كلها P R N D ورجعه على P
وخلي السيارة شغالة واسحب معيار الزيت وشوف المستوى واللون ورجعه (طبعا التعئبة من نفس مكان المعيار)

http://i987.photobucket.com/albums/a...83/Filling.jpg

طفي السيارة واسحب المعيار حق الزيت وجيب الوعاء الكبير عشان الزيت القديم
استخدم الين وافتح صرة الزيت الصرة مو مشدوشة بقوه طبعا عشان فيه صوفة واثناء التركيب لا تشد بقوه عشان لا تنقطع

http://i987.photobucket.com/albums/a...sDrainPlug.jpg

خلي الزيت ينزل وياخذ راحته لمدة تقريبا 15 دقيقة

http://i987.photobucket.com/albums/a...lugRemoved.jpg

بعد ما نزل الزيت كله رجع الصرة مكانها طبعا لا تشد عليها بقوة

والحين استخدم العلبة الفاضية 1 لتر واحسب كمية الزيت القديم

http://i987.photobucket.com/albums/a...inermarked.jpg

الحين جينا للصعوبة شوي هع

فك الكور او الغطا اللي حول الكفر اللي في جهة السواق استخدم سكروب عادي عشان فك الكلبسات وانتبه لا تتكسر

شوف الصورة الجاية

http://i987.photobucket.com/albums/a...beforetext.jpg

هذي العلبة اللي بين الرديتر والقير عشان تبريد القير فتحه دخول وفتحه خروج
فك الهوز اللي يدخل من الرديتر للقير المأشر بالصورة فوق استخدم استخدم الزرادية عشان فك الهوز

http://i987.photobucket.com/albums/a...oseremoved.jpg

جيب العلبة الفاضية او الجيك وجيب الهوز اللي عندك اللي طوله نص متر ودخله في الهوز اللي فكيته من العلبة كأنك تسوي توصيله عشان لا تعبي المكان زيت :dhh:

الحين خلي احد من اصدقائك او اي احد قريب منك وخليه شغل السيارة
طبعا بينزل زيت من الرديتر حق القير للعلبة اول ما يوصل الزيت لواحد لتر طفي السيارة (عشان نحسب كم لتر نزيد بدال اللي نزلناه من الرديتر )

http://i987.photobucket.com/albums/a...intobucket.jpg

الحين بدال الزيت اللي نزلته من الرديتر تجيب زيت جديد وتعبي مكانه واحد لتر

وتكركر العملية اللي قبل تنزل الزيت القديم الباقي من الرديتر لين ما ينزل زيت جديد عشان نتأكد ان الزيت تغير بالكامل

وبكذا انتهينا من تغير الزيت الحين رجب الهوز مكانه لا تركب الكور او الغطاء اللي حول الكفر

شغل السيارة وخذ لفه لفتين وارجع شيك من تحت للتأكد ان ما فيه تهريب وعشق كل تعشيقه P R N D

شيك مستوى زيت القير الحين اذا فيه زياده نزله من العلبة للي واصله بين الرديتر اذا ما في زياده انت ممتاز خخخ

الحين ركب الكور

وخلاص الحين مبروك عليك تغير الزيت

ارجو ان تعم الفائدة للجميع

واي استفسار انا جاهز