عرب موتورز arabmotors موقع السيارات العربي الاول

السلام عليكم

كما وعدتكم

هذه قصيدة / خمس نجوم

آمل أن تحوز على رضاكم

يا راكبٍ من فوق وارث سفاري **** جديد ومخصص لمير و هوامير

الباترل بطل دروب الصحاري **** دكّار تشهد له بحضرة جماهير

مركب سلاطينٍ ليا صرت شاري **** عليه ما تحسّب لطول المشاوير

لو حط له جنحان خطير طاري **** أهل العيون الضيقة شغلهم غير

عليه قرمٍ للمهمات ضاري **** ليا اوميت له جالك – مع اشغاله – مغير

ما ينشدك عن وجهتك و المحاري **** ارتكـ على يمناك واترك له السير

ثم اخبره عن وجهتك بالمواري **** يدل دربه ما يعرف المحاذير

يدوس قاعٍ بالضحى و الغداري **** ما شافها بالعين من خلقته طير

هذا البطل بالدرب ماله مباري **** يعد طبلونه على اللمس بالقير

قديح شكمانه سلاح انشطاري **** و مكلبشٍ بالشاص من خوف لا يطير

ليا نطحته قلت هذا انتحاري **** ما فيه عيب الا انْ بالصوت تاخير

وليا قفيته وانت بالليل ساري **** قوس القزح يطري على العين بعصير

مجده قديم و بالمزيا حضاري **** ياكن طبلونه كباين طيايير

بالهمس دون اللمس حول البواري **** عدك بخمس نجوم منعم و في خير

يمشي سطر يا قف هوى لا اضطراري **** خلفه جيوب اللند تزحف طوابير

ما هو خسارة لو دفعت المصاري **** أو بعت ذودينٍ حديهن مغاتير

و اللي على ماله حريصٍ يداري **** يشري من التايوت له جيب تصبير

و الا البطل و انا بعشقه أماري **** ما كل من يهواه يدفع دنانير

و اللي يبي بهالعصر سفن الصحاري **** هذا البطل بالدرب ما بغيره آشير .

أخوكم / مريح الشمري