امس دفعت فوق 3 الالف الحقوني يالربع الجربوكس نديم والبقيه انتظركم
 

السلام عليكم

اخواني المشكلة بالجربوكس

بدون مقدمات السياره عندي خربت تعشق ريوس كانك داعس جلنط وقدام تمشي بالثالث ومع المشي تختفي اللمبات وبعدها صارت تدعسسسس بالقومه بعدين تطق معاك

جيت المنتدى بحثت لقيت كل واحد له رأي واختلفت الاراء

توجهت للورش وفحصت عند 4 متخصصين منهم كهربائي للتاكد انها مو مشكلة كهرباء لان لمبة البطارية تنور من سنتين عندي رغم ان الدينمو جديد

المهم

الي فحصوا قالوا طبة الجربوكس مكسوره لانها تعشق بالثالث وبطقه قويه وشوي صارت ماتعشق الا تحط بالبيبي وترجع تعشق بالدي وواحد منهم سوا تصفير للعداد يدويا بفتح السويتش وضغط زر وبعدها فحص قال طبه

المحصله 4 اجمعوا ان طبة الجربوكس

قلت الله المستعان

رحت لميكانيكي منهم قلت وش الحل قال غير قير وريح راسك لان التوضيب اغلى كمان

قلت توكلنا على الله

ركب الجير اخذناه من واحد والميكانيكي قال مو مفكوك ولاملعوب فيه حتى براغيه نظيفه

حطينا زيت اصلي بالجربوكس حسب كلام الميكانيكي الجربوكس الجديد ماكان فيه نقطة زيت قبل نعبيه


رحت اجرب السياره لقيت القومه شوي ثقيله وصوت الدعسه واضح قلت يمكن لاني مغير كلتش مروحه بنفس الوقت كمان اختلف الصوت لان الاول منتهي


المهم مشيت بالسياره

التغيير من الاول للثاني واضح بعكس باقي التعشيقات سلسله لكن من الاول للثاني تحس فيه مو طقه قويه بس نتره اونتعه بسيطه يعني محسوس مو زي باقي الغيارات عادي ولاكانها غيرت

وكمان لما مشيت بسرعة وجيت اهدي على مطب حسيت فيه قلت يمكن طبيعي لان من زمان تصير معي واغلب البي ام كذا حسب علمي وقبل خراب الجربوكس كانت تصير

الحين الرجال قالي يمكن لان الزيت جديد والقير زمان واقف مع الوقت يمكن تروح معاك جرب يومين وتعال عطني قرارك ياتفك ونغيره يانخليه علما بان الجربوكس مو له اخذنها من راعي قطع بس قالي نظيف والي باعنا حلف بنظافته الله اعلم عن ذمته

الحين السياره معي النتره خفت بس انا يمكن وسوست بالوضع لاني دافع مبلغ وقدره:79:

مابي اوسوس ولا ابي اضيع الفلوس الي دفعتها ويخرب بعد فتره قريبه لا سمح الله


ابي رأيكم ومشورتكم ارجعه ولا اخليه

وكيف اتاكد انه مافي بلى او ان العله مشكلة كبيره سواء بهو ولاغيرته

علما باني سمعت اغلب مشاكل الجربوكس تظهر بالغيار الثاني والله اعلم

سيارتي 97 740 لارج

غيرت قيرها قبل اربع سنوات يعني مو اول مره بس من يوم غيرته ليوم ماخرب ماعمري زدتها زيت ولاغيرت فلتر ولا شي:waa1:


بانتظاركم لاتروح علي الفلوس :26: