استفسار السيارات المنافسة للأفالون
 

مساء الخير شباب
مقبل على شراء أفالون هاليومين إن شاء الله
طلعت للوكالة عندنا في حائل وعطاني السعر 139000 ريال ليمتد شاشة
و في معرض سيارات قيمتها 143000 ريال
نيسان ماكسيما فل كامل 131000 ريال لكنها ما تتميز بالرحابة مثل الأفالون
هيونداي أزيرا للأسف الوكالة ما عندهم شيء حتى على مستوى المملكة
بناءاً على كلام موظف الوعلان إن الكمية قليلة جداً
فورد تورس ما سألت عن السعر لكني متخوف منها للأمانة


الكامري شفتها لكن للأسف ما فيه أي شيء يميزها و غالية بدون داعي و كذلك الأوريون

الأفالون ما هي معجبتني 100 % لكنها الأفضل.

من ناحية السيارة فأحب إنها تكون عملية
السيارات ما عادت مثل أول للأسف في السابق كانت في خيارات متعددة و الجودة متقاربة الآن كثير شركات صارت خارجة المنافسة مثل الكابريس و اللومينا.

ما أدري إذا فيه خيارات أخرى أو إني أشتري الأفالون بهالقيمة و على موديل بعد شهر راح يتغير كذلك ما أقدر أنتظر للموديلات الجديدة.

سيارات أول ما فيها تصاميم لكنها كانت جذابة مرّة.

الحين يا تصير من ربع اللكزس و البانوراما أو تصير من طبقة الأفالون و اللي سيارات فئتها و اللي أقل منها متشابهة جداً من ناحية الإمكانيات فقط فوارق بسيطة

عموماً موضوعي هذا استشارة و حديث نفس في نفس الوقت