عرب موتورز arabmotors موقع السيارات العربي الاول - يجب معرفة الطريقه الصحيحه لتجنب مشكلة البرمجه بالكامري ((مهم جدآ))

هلا فيكم أخواني
صرنا نسمع كثير عن مشكلة البرمجه بالكامري خاصه لما تركب البطاريه . والمشكله حتى الشخص صاحب المحل اللي يركبها. يركبها بطريقه خاطئه . متعود على السيارات اللي بدون كمبيوتر ..
ومن أثار تركيب البطاريه بالطريقه الخاطئه خاصه على الكامري او غيرها من السيارات, يكون فيه لخبطه في دعسة البنزين , ضغط المكينه يصير ينزل ويرتفع او تصير السياره فيه رجه قويه . على العموم حبيت أفيدكم بالطريقه الصحيحه لتركيب البطاريه على أي سيارهـ كانت خاصه اللي فيها كمبيوتر.
الطريقه كالأتي :
1- لما تجي تركب البطاريه الجديده لاااازم السياره تكون طافيه
2- اول ماتركب البطاريه وتشبك اصابع البطاريه خل المفتاح خارج السويك مدة 10 دقايق بالضبط . وهذا لأنه يسوي تحديث لبرمجة السياره او مثل ماتقول تعريف ( يعني لا تحط المفتاح )
3- بعد ماتخلص العشر دقايق الاولى حط المفتاح بالسويك ودق سلف بس لا تشغل ( على وضع ماقبل التشغيل . يعني لما تولع انوار الطبلون والشعارات الموجوده) وخليه على هالوضع 10 دقايق ....
4- بعد ماتخلص العشر دقايق طلع المفتاح ..وارجع شغل السياره .. وبهذي الطريقه تكون سويت الخطوه الصحيحه لتركيب البطاريه...

يمكن البعض يقول دايم اغير بطاريه ولا اسوي هالطريقه ولا تصير مشاكل ......... انقول ربك ستر على الكمبيوتر

طبعآ هالكلام كله والنصيحه من شخص أفادني فيها وهو اللي صلح لي مشكلة سيارتي بعد ماغيرت البطاريه وصارت لخبطه فالبرمجه .. والرجال حب يفيدني لأن كثير سيارات تجيه مضروب الكبميوتر بسبة بطاريه .

حبيت أفيدكم ,, وآآآسف على الإطاله