استشارة بشراء سيارة مستعملة BMW730il
 

السلام عليكم ورحمة الله وبركاته

اسعد الله اوقاتكم بكل خير

ابي رايكم ومشورتكم بسيارة BMW730 الموديل 2006 طبعاً 6 سلندر
اللون كحلي ميتاليك بالليل تشوفها سوداء وبالنهار مو مبين فيها اللون الازرق
من الداخل بيج فاتح السقف وفرش الارضية اسود
ستاير للزجاج الجانبي الخلفي والزجاجة الخلفية
الموتر ماشي 145000 كلم وارد الناغي

فيه ثلاجة امامية المراتب مافيها تبريد ولا تسخين الابواب ليست شفط وايضاً مافيها هيدروليك
الجنوط 19 والكقرات دانالوب تاريخها جديد
للامانة الموتر نظيف من الداخل ومن الخارج ملاحظاتي عليه
1 / احدى الستائر الخلفية منفلته من الحامل بمعنى ان الحامل يطلع وينزل بدون الستارة
2/ اذا فتحت الفتحة لا يوجد المشكلة ولكن عند اغلاقها توماتيك لما توصل للاخير تطق بالحديده الامامية اللي بالسقف وترجع
3 / الكمبيوتر يشير لوجود مشكلة بالنور وصحابها يقول انه فك الشمعات ونظفها واعادها وبعدها ولعت اللمبة بالكمبيوتر !!
ويقول انها برمجة فقط لاطفاء اللمبة .
4/ الكفر الاسبير غير موجود

/
الله لا يهينكم ابي رايكم بالسيارة وش يسوى سعرها
والملاحظات اللي قلتها كم ممكن تكلفني

وايضاً رايكم باللون اذا كان اتضح لكم من وصفي له

اتمنى تفيدوني وتشيرون علي وتنصحوني

انا جديد على عالم ال بي ام
وهل افضل للاستخدام اذا ماكانت الابواب شفط وما فيها هيدروليك ؟

وشكرا لكم :f128: