عرب موتورز arabmotors موقع السيارات العربي الاول - استفسار فزعتكم ياشباب تأمين التعاونية

السلام عليكم ورحمه الله وبركاته

يااخوآن أبي أشرح لكم السالفه وأبيكم تشورون علي لا هنتوا

عندي السيارة فيها حكات في الصدام الخلفي وقبل كذا انرش الصدام كامل رش مشي حالك

الحكات هذي طيرت البوية وفوق هذا فيه ضربه بالباب وضربه عند الكفر وخدوش مفاتيح

والتأمين ياشباب شامل عندي قبل مايصير هذا كله (( تأمين التعاونية 4000 ريال تقريباً مأمنها سابقاً )) وعندي التصليح ورشة مش وكالة

أبي اصلح الموتر يااخوان وأغير الصدام الخلفي كامل بواحد جديد لانه ماينفع وتسمكر قبل كذا

واصلح السيارة عن بكرة ابيها ورحت عند ورشة قالي بتكلفك مما جميعه 6000 ألف ريال

أبي فزعتكم بكم شغله يااخوان

وش الاجراءات الحين بالضبط أجيب نجم ويرصد حادث ولا شلون وكيف اراجع التأمين ووش الشغلات اللي لازم اسويها ووين وكيف اثمن التصليح أبي تفصيل ياغوالي

وبعدين يااغوالي من ضمن التأمين سيارة بديلة اروح اطلعها من محلات التأجير على حسابي ولا أخذ فلوسها من التعاونية وهل حيعطوني اياها ولا لا وكم سعر اجار السيارة البديلة أنا سمعت أنه ألف ريال مدري ألفين وبرضوا ياغوالي اصلحها على حسابي واجيب لهم الفواتير ولا انتظرهم يعطوني حق التصليح والقطع اللي بأخذها من الوكيل زي الصدام الخلفي وهالإجرآت كلها

وأخيراً ياليت أحد يفيدني بورشة شغالها شغل وكالة تماام ابي اضبط السيارة يااخوان

راح أدعي له من قلبي اللي بيساعدني بجد