عرب موتورز arabmotors موقع السيارات العربي الاول - شو الحل ويا شركات التامين ( تعويضات الحوادث)

السلام عليكم و رحمة الله و بركاته

الاسبوع اللي طاف سويت حادث، واحد لف علي على خط سويحان و انا كنت على سرعة 140 ، الحمد لله الله سلمني و ما انقلبت السياره، السياره نيسان فتك 2003 ، اللي فادني اني منزل الموتر، لو على ترفيعة الوكاله اتوقع بينقلب
المهم انا متضرر من الحادث واللي لف علي هو المتسبب ، يعني تامينه بيصلح سيارتي، راجعتهم امسات و قالولي السياره مشطوبه، شاصي السياره انعوى، المهم قالولي بنعطيك تعويض 25 الف و بنشل السياره او 10000 و انا اشل الموتر و اصلحه
دخلت عالمدير و انا مقهور، كيف نيسان موديل 2003 بدون دعمات ب 25 ، المدير قال "انته معطي السياره اكثر من قيمتها و قيمة السياره قبل الحادث 25 " ، قلت له ايبلي فتك 2003 بنفس حالة مالي قبل الحادث ب 25 الف و انا باخذه، سكت وما عرف يرد، اصلا مستحيل الا اذا فيه مشاكل ، الحين و هو مدعوم قيمته 25 فالسكراب و يمكن اكثر
المهم أخر شي قلت ابا تعويض و انا بصلح السياره، بغير الشاصي و بصلح الدعمه قالي 10000 ، بس
التصليح بيكلف تقريبا 15 الف لانه الشاصي رايح و تقريبا ما يتصلح، لازم اغيره بشاصي مستعمل

و انا ابا الموتر ما افكر ابيعه سكراب

السؤال هو، هل في طريقه اخليهم يرفعون التعويض الى 15 الف ؟ مثلا اقدم شكوى مكان او اي طريقه ثانيه ؟
وايدين قالولي حراميه ما بيزيدونك شي ، المدير يقولي 10000 تكفي حق تبديل الشاصي و تصليح الدعمه، حراميه قاهريني

شو رايكم؟
كيف اتصرف، هل في فايده لو قدمت شكوى او بتعب عمري و بضيع وقتي عالفاضي :064:

الفزعه الفزعه