جبت العيد في الـ vxr
 

السلام عليكم

مبطي مسجل معكم وكل يوم أحاول اكتب مشكلتي ماتفعلت العضوية
وبالاخير اكتشفت ان رسالة التفعيل ع الايميل :SnipeR (6): < دلخ


المهم ماعلينا ندخل في الموضوع

أنا عندي في اكس ار 2009 بريمي

قبل فتره مسكت معي أفك السلة ( شبك التنده )

ورحت لمحل زينه يفكونها

وبعد مافكها قال لي ان البراغي اللي يربط فيها المسامير طاحت داخل التنده :SnipeR (60):

طبعاً بعضها

البراغي بلاستيك لونها أصفر

توهقت لا قدرت اقفل الفتحات ولا قدرت ارجع السله

اليوم الثاني رحت الوكاله ومالقيت هالبراغي عندهم

رقعوها لي وركبوا السله من جديد بس شغل مشي حالك < متحسف ع البخشيش اللي حطه بيد الفلبيني ههههه



المصيبه وقت المطر السياره تنزل مويه من التنده :SnipeR (6):

تكفون يالربع الفزعه وجونا اغلبه امطار خصوصاً الاياام الجايه

أو اذا فيه محل يسويها وين مايكون بس شغله مضبوط ابروح له لو بالمريخ :SnipeR (71):خصوصاً إني دورتها بوكالتين مافي فايده مالقيتها

ومريت التشاليح لقيت الجيوب اللي مثل موتري براغيها حديد وماسكه في التنده ،

ماخليت مكان حتى اني لقيت جي اكس يركب سله في محل زينه استأذنته أصورها عشان احتفظ بالصوره أوريها اللي ممكن يساعدني


هذي الصوره للبراغي اللي في التنده تركب فيها مسامير السـلة يارب تفهمونها http://www.m5zn.com/uploads2/2011/11...zttux2edbf.jpg