بسم الله الرحمن الرحيم
السلام عليكم ورحمة الله وبركاته
((وكل عام وانتم بخير))

{ طريقة تركيب لمبات لوحه اللكزس ع الافالون
انا من اول ماشريت موتري وانا ماني بالع لمبة اللوحه شكلها غبي ... اهم شي اني نويت اخليها ثنتين
وقلت خلني اتفلت على الزيج الخلفي حق اللمبات سعره ف الوكاله 350 ريال اذا ماظبط عادي اشتري واحد جديد }

اهم شي اني شريت لمبات اللكزس ls460 بـ 185 ريال وهذي صورتها
http://www.toyota4arab.com/upload/i/...fdtz3lh5iy.jpg
نلاحظ ان اللمبه طويله و المساحه اللي بين الزيج والبدي صغيره عشان كذا انا قصيتها وصغرتها شوي
لانها ماتركب بدون تصغير وتجي بارزه ولكن بعد القص تجي اووووكيه والقص كما هو موضح بالصور
http://www.toyota4arab.com/upload/i/...w1f1ujt08t.jpg

http://www.toyota4arab.com/upload/i/...xa4z19ksxs.jpg

http://www.toyota4arab.com/upload/i/...lsagr25nyx.jpg

طريقة فك الزيج .... اول شي فك حق الشنطه ذا والله ما ادري وش اسمه
http://www.toyota4arab.com/upload/i/...axfd2ntr41.jpg

فك الكلبسات وخل يدك خفيفه لا تكسرها
http://www.toyota4arab.com/upload/i/...35lelvlaq3.jpg

اسحب الشي هذا
http://www.toyota4arab.com/upload/i/...qxp5lgxatl.jpg

اللحين الشنطه مفصخه واستروا ما واجهتوا يالربع
http://www.toyota4arab.com/upload/i/...3falg2nma5.jpg

عندك فوق 4 مسامير يبيلها مفتاح 10 ثنتين يمين وثنتين يسار فكها
http://www.toyota4arab.com/upload/i/...y8gonxhi17.jpg

وبعدها اسحبه على فوق وبيطلع معك بس انتبه على الكلبسات وبينفك انشاء الله
طبعا انا بعد مافكيته رحت لمحل الفايبر قلاس وانا فاقد الامل انها تظبط لكن قلت خلني بحاول
وقلت له ابيك تقص الجزء اللي تحت كامل وترجع تفصله على مقاسات اللمبه حقت اللكزس
و زر الشنطه تنقله يسار والكاميرا فـ النص وقال خلاص مافيه مشكله وفعلا قصها والمقاسات مظبوطه
طبعا اثار القص واضحه لازم ترش بويه ومعجون عشان تظبط
والتكلفه = 150 قص + 150 بويه
والصوره بعد القص والبويه واسف اني ماصورت خطوات القص والبويه لاني حصل لي ظرف واضطريت امشي وجيت له بعد 3 ساعات والصورة توضح الشغل

http://www.toyota4arab.com/upload/i/...0ntiqmmru1.jpg

http://www.toyota4arab.com/upload/i/...4f0phcktcg.jpg

طبعا اللحين نجي للكاميرا ......
الكاميرا حقت الوكاله فتحتها كبيره والمنطقه اللي نبي نحط فيها الكاميرا فتحتها صغيره
مثل ما هو واضح بالصوره
http://www.toyota4arab.com/upload/i/...c3ag7wlq30.jpg
وعندك حل من اثنين :
1- تقص المنطقه اللي في المنتصف وتركب الكاميرا ...طبعا انا ما انصح تقص الشنطه
2-تشتري كاميرا تجاريه وتركبها مثل ما انا سويت واللي اعتبره انا حل محايد
انا شريت كاميرا شكلها قريب من شكل كاميرا الوكاله بـ 150 ريال ماركتها (افالون) وهذي صورتها

http://www.toyota4arab.com/upload/i/...5o88xflb7d.jpg

ولكن التركيب اكثر المحلات اللي في الغرابي يقولون مانعرف ولكن بعد التعب والمشاوير حصلت محل اسمه دبي ف الغرابي وركبها لي ب 300 ريال وانا ادري انه نصب علي علي لكن مالي الا هو
اهم شي التكلفه كامله مع التركيب= 150+ 300 =450 ريال

وطريقة تركيبها :
قطعة حديدة تحصلها في محلات السباكه والكهرباء مثل هذي
http://www.toyota4arab.com/upload/i/...4ej053yqhy.jpg

عمل فتحة في الحديده لسلك الكاميرا
http://www.toyota4arab.com/upload/i/...7w9c9abvda.jpg

تركيب سلك الكاميرا في فتحة الحديده
http://www.toyota4arab.com/upload/i/...9p6lox8z5o.jpg

زر الشنطه سلكه قصير لذلك لازم نطول السلك
http://www.toyota4arab.com/upload/i/...scdc41qhxh.jpg

واخيرا التركيب :
اول شي لازم يكون عندك لزق وجهين وعليك ب 3M
لزق الكاميرا بالحديده وثم لزق الحديده بالشنطه قبل تركيب الزيج مثل ماهو موضح بالصوره
http://www.toyota4arab.com/upload/i/...wb61dfwa1t.jpg

اللحين نجي لطريقة نركيب اللمبات لازم تثبت في نفس الزيج
انا ثبتها باللحام البارد مثل ما انتم شايفين وتقدر بغراء اهم شي انها تثبت
http://www.toyota4arab.com/upload/i/...auu5ugbmvi.jpg

وبعدها تركب الزيج وتدخل الاسلاك في الفتحات الي فاضيه

http://www.toyota4arab.com/upload/i/...1qappd1wws.jpg

وتشبك سلك اللمبات بجرح السلك الاصلي جرح بسيط عشان ما يخرب

http://www.toyota4arab.com/upload/i/...cy2l30kdbe.jpg

وتركب سلك الشنطه بعد ما تخليه اطول من القديم تسوي له توصيله
والكاميرا طبعا مسلكه من قبل في الغرابي مثل ما قلت
وتركب الزيج من فوق لتحت و تظغط عليه لين ما تركب الكلبسات
وتربط المسامير و مبرووووووك عليك اللمبات
وهذي صورة بعد التركيب في النهار

http://www.toyota4arab.com/upload/i/...lxurffa6ea.jpg

وهذي صورة في الليل

http://www.toyota4arab.com/upload/i/...mnf63ck79b.jpg
وبكذا نكون انتهينا واي استفسار او ملاحظه انا هنا
واتمنى اني افدتكم مثل ما استفدت منكم وشكرا