|
استفسار الافالون 2011 مافي ريوس
اسعد الله صباحكم اعزائي سيارتي افالون 2011 والفترة الاخيرة كانت فيها رجة بالكفرات على سرعة 120 المشكلة جتني قبل ووديت السيارة للوكالة وسوو خرط للهوبات وبصراحة بسعر ماخش راسي يعني تقريبا الخرط لحاله ب 800 ريال مع الوقت رجعت نفس المشكلة ونصحوني بالترصيص الارضي بورشة بصناعية الثقبة عمل الترصيص للكفرات اللي ورا ويوم جا يسووي الترصيص للكفرات اللي قدام والسيارة بعدها ماهي بخير تخيلو السيارة ما صارت تريوس ( ماترجع ورا ) الظاهر اثر على برمجة السيارة فصل البطارية ورجع شبكها مرة الثانية وراحت المشكلة بس للاسف اليوم الثاني رجعت لنفس الحالة اخذت الموتر ووديته لبو جميل اللي عند كبري تويوتا لكزس والسيارة عندهم لها اسبوع لاني دخلتها قبل العيد بيومين وهم الله يسلمهم مايدامون بالعيد انا سألت المهندس اللي استلم سيارتي(مصري ) والله احس انه من جنبها سأتله الى متى راح تجلس السيارة عندكم يقول يمكن ثلاث اسابيع لان اي شي تحت بند الضمان حسب كلامة يقول يرسلون للفرع الرئيسي بجدة واللي بجدة يرسلون لليابان عشان الموافقة وخذ لك من الكلام يعني ابو فهد شهر بيجلس بدون سيارة وبعدين انا سمعت ان الشركة توفر لك سيارة تمشي بها امورك الين ما تستلم سيارتك ياليت احد يفيدني لاني تمرمطتعلى هالحالة و راح اجيهم السبت وانشب بحلوقهم دمتم بود |
| الساعة الآن 08:43 PM |
Powered by vBulletin® Copyright ©2000 - 2025, Jelsoft Enterprises Ltd. By
Mohamed Mohtrf
عرب موتورز3.6.0 ©2011, Crawlability, Inc