عيب مصنعي في الرنج سبورت !! شو الحل ؟!
 

السلام عليكم و رحمة الله و بركاته

يا جماعه انا عندي رنج سبورت موديل السنة و توه ماشي حول ال20 الف


قبل كمن يوم ظهرته من التجييك الثاني له و الامور كانت طيبة و الموتر ما فيه شي


البارحة و انا راد البيت فجاة ظهرلي فالكمبيوتر تحذير ( Restricted Performance )


و مات الريس عندي .. اعطيه ريس ما يمشي يادوي ريس مكينه بس و الموتر يتنافض


وصلت البيت بصعوبة و بندت الموتر .. حاولت اشغله مرة ثانية ماشتغل




خليته فترة و رديت شغلته اشتغل لكن كانت فيه نفضة مب طبيعية !! اول مرة اشوف موتر يتنافض بهالقوة


المهم بندته و اتصلت فالوكالة و طرشولي ريكفري يشل الموتر




اتصلت فيهم اليوم قالولي في بلج مكسور و عندك مشكلة فالمكينة و عندك سلندر ما يشتغل


كيف و الموتر يديد و عالضمان و انا مب من النوع اللي اسرع و لا اداعس فيه !!


قالولي عيب مصنعي و موضوعك احتمال يطول لان ما نعرف نحل المشكلة و ننتظر رد المصنع !


حد مرت عليه هالمشكلة سواء فالرنج او موتر ثاني ؟!


و اذا بطالب بتعويض هل حماية المستهلك لهم دور في هالشي و كيف اتواصل وياهم


انتظر الافادة منكم و السموحة