عرب موتورز arabmotors موقع السيارات العربي الاول - صور محاولة سرقة سيارتي كامري 2012 . بالتفاصيل والصور ..

السلام عليكم ورحمة الله وبركاته ، والصلاة والسلام على الرسول الأمين ..

هذا أول موضوع ليا بالعضوية الجديدة .. :)

تعرضت سيارتي الكامري 2012 GLX جناح وفتحة إلى محاولة السرقة يوم الأحد الموافق 27-3-1433 هـ

وأنا مستلم السيارة يوم الأحد 13-3-1433هـ ، وطبعا محاولة السرقة حصلت عن طريق كسر المثلث ..

إليكم التفاصيل ..

يوم السبت رجعت البيت من مشوار ووصلت الساعة 10:30 تقريبا ..

دخلت البيت ونمت وخرجت الصباح الساعة 6 تماما عشان اشغل السيارة ..

والمفاجئة هنا ..

سيتم رفع الصورة في وقت لاحق بسبب بطئ النت

ناديت الوالد وشاف السيارة ، والحمد ما راحت البطايق الي في السيارة ( أحوال - تصريح - إستمارة السيارة ) ..

أعطيت الوالد مفتاح السيارة عشان يتصرف ، وداومت ذاك اليوم بالإنوفا ..

لما رجعت لقيت السيارة زي ما هيا اللهم الوالد جلد القزازة المكسورة ..

إتصلت عليه وقلتله ليش ما جبت الشرطة ، قالي إنه إتصل وقالوله في 70 سيارة مسروقة بكبرها وما يقدروا وأعطونا كم عذر ، وأنا جربت أتصل بعد ما قالي الكلام ذا ورد عليا شرطي وقالي لو تبغانا نسوي فحص للسيارة لازم تجينا فرع معين ..

قابلت 2 من عيال الحارة حصلتلهم نفس المشكلة ، وبنفس الطريقة ، وإنسرقت إستبنتهم .. ( أنا ما إنسرقت ولله الحمد )

هما جابوا الشرطة وبصموا السيارة ومنتظر معاهم نهاية الموضوع ذا ..

الحين جا دور تصليح السيارة .. وهنا المصيبة .. :mad:

رحت الفرع الرئيسي بجدة - طريق المدينة ..

لما طلبت القطعة قالولي طلبية و المدة الي لازم أنتظرها تتراوح ما بين 30 - 40 يووم .. :mad:

وافقت على مضض ، وطلعت قيمة القزازة 72 ريال ..

والتركيب راح يكون في فرع شارع قريش ( الصيانة الشاملة ) .. إن شاء الله

وبعدها رحت بني مالك وما لقيت قزازة حتى لو تجاري ، وفصلت وحدة بـ 80 ريال ..

وبالقوة ركبت عشان السمك ، والحين ديكور الباب مفكوك عشان المثلث ..

حسبي الله ونعم الوكيل ..

أفكر أركب جهاز إنذار ، بس خايف من التوليف والترهيم ..

محتاج نصايحكم وآسف على الإطالة ..