عرب موتورز arabmotors موقع السيارات العربي الاول

بسم الله الرحمن الرحيم

حبيت أفيدكم يا إخوان بخصوص الكعكات

أنا ركبت كعكات خلفية مقاس 2,5 سم .. منذ أسبوع تقريباً

وبصراحة ما أنصح فيها أبداً

طبعا فائدتها الوحيدة هي رفع الموتر من الخلف وإعطائه شكل أفضل

لكن لاحظت عليها سلبيات تعيبها كثير ، منها

1/ مطب الموتر صار قاسي جداً أكثر من أول .. حتى لو عديت مطب وأنت مهدي لازم يطلع صوت خبطة من ورى

2/ كفاءة الفرامل زادت سوءاً ، وصار الفرامل ما يمسك كويس رغم أن الفحمات جديدة (ممكن بسبب ضغط الثقل على الجهة الأمامية)

3/ الانزلاق .. الله يكفينا شره ،، صار إذا جيت بوقف عند دوار أو إشارة وأنا مسرع ومسكت فرامل بقوة يزلق الموتر (يفحط) لعدة أمتار قدام ، وهذا الشيء ما شفته إلا بعد تركيب الكعكات

..

عموماً

أنصح اللي بيرفع موتره يركب يايات ويسأل أهل الخبرة

أما الكعكات فما كنت أتوقعها سيئة لهالدرجة

والله يحفظنا وإياكم من كل شر

أخوكم ،،