بعد عناء طويل .... بعت افالونتي
 

السلام عليكم

حبيت انقل لكم تجربتي عسى ان تنفع احد هنا....

كنت اشتريت افالون 2011 فل الفل (انا في الامارات) وطبعاً في الامارات الوكيل ما يبيع بس فل الفل وباقي الاوبشنات الاقل ما موجودة. المهم منذ شراء السيارة وانا اعاني من مسألة الرجفة في الاستيرن والحذفة يمين لحد ما صارت عندي عقدة، رحت للوكالة وبعد هوشة كبيرة وافقوا ياخذوا السيارة لانهم رفضوا في البداية وقالوا ان المشكلة يمكن في الاطارات وهي غير مشمولة بالضمان وبقت السيارة عندهم 4 ايام (وانا مقضيها تكسيات) وبعدين اصلوا وقالوا السيارة ما فيها شي تعال استلمها (4 ايام وبعديم ما فيها شي؟؟؟؟) المهم اتصل علي مدير خدمة العملاء (على فكرة الوكيل هنا في الامارات جيد جدا في التعامل بعكس ما اسمع عن الوكيل في السعودية) وقال كيف لقيت السيارة قلتله انو السيارة لسه ما تغيير فيها شي ولسه فيها رجة وحذفة، قالي رجعها وروح للمركز الرئيسي ونفس الحالة بقت عندهم كم يوم (وانا مقضيها تكاسي) ونفس الحالة، اخذت السيارة لمركز خارج الوكالة وعملي وزنية وبلنص وخبرني اني في كفرات اثنين معيوبة انا قلت حسبي الله ونعم الوكيل حرام اخذ سيارة وكالة وبعدين اغير كفراتها بعد كم اسبوع خليني امشي على السيارة كم شهر وبعدين اغير الكفرات وهذا اللي صار، رحت غيرت الكفرات طبعاً الرجة خفت كثير (لم تختفي تماما) وانا لاحظت انو الرجة تكون قوية لما السيارة لسة باردة يعني بعد ما امشي ربع ساعة تخف ولكن الحذفة يمين مستمرة وبقوة، رجعت على المركز اللي غيرت عنده الكفرات لان عطاني ضمان وقالي اي شي رجة او حذفة ارجعلي ورجعت عنده 4 مرات وفحص بالكومبيوتر والليزر والسيارة فيها حذفة يمين قوية واخيرا وبعد كل هذه المصاريف والبهذلة بعت السيارة قبل كم يوم وخلصت منها الحمدلله والحين مستأجر سيارة صغيرة وصراحة بعدني مش عارف ايش اشتري لان صارت عندي عقدة نفسية بعد ان دفعت 146 الف في الافالون وصار معي جذي والله كريم.

شكراً واسف على الاطالة بس حبيت افيدكم بالتجربة:tinysmile_cry_t4: