عرب موتورز arabmotors موقع السيارات العربي الاول - معلومه لاصحاب الفكسار من 2008-2012

اليوم رحت للعضيب للاندكروزر الي في الصناعيه القديمه مخرج17 مع واحد من الشباب بيطلع سيارته وجلست ادردش مع الفني مدير المركز شوي والا اشوف جاي واحد من العمال يقوله خلصت وزن هدروليك الفكسار طبعا لقافه سالت المدير كم موديله قال 2011 قلتله انا جايك قبل فتره ابي وزن للهدروليك قلتلي مافيه الا بالوكاله وخليتني اروح للوكاله ويجلسوني اسبوع بدون سياره وااخر شي حتى الوزن ما اظبطوه ورجعت لهم ولا حياه لمن تنادي اول كان مايل لليمين والحين مايل لليسار وخليتهم غسلت يدي منهم قالي والله ان الجهاز ما جبناه الا قبل يومين بالظبط وياله بالله جبناه من امريكا عبد اللطيف جميل والبازعي رفضوا يطلعون الجهاز برا الوكاله وكل وكالات الخليج رفضوا
عموما ماابي اطول عليكم الوزن يكلف 900ريال عنده وبالوكاله كلفني الوزن 845 بعد الخصماسف للاطاله بس حبيت اعطي خبر للاخوان والزوار في هالمنتدى الي مهما قلت قليل بحقه