كل مايخص المكسيما الجديده من تعديلات
 

السلام عليكم ورحمة الله وبركاته

موضوعي اليوم راح أتكلم عن تعديل المكسيما وش القطع اللي تركب عليها

وكيف نحصل على نتائج أكثر بعزم السيارة .

اللي لا يفكر يعدل اللي سيارته ماشية تحت 20 ألف واللي سيارته معدومة .

التمرين /
من اهم الاسباب لتنشيط السياره والطريقه لما تاخذها وكاله بعد ما تمشي ألف دعسه ثابته على سرعات بعد 120 بمعدل 200 كيلوا .

الحين نجي لموضوعنا الاساسي وهو القطع اللي نركبها على المكسيما والتكلفه والاضرار .

اقل القطع تكلفه وتعطي نتائج حلوه صوت وعزم 7% من قوة الاحصنه فلتر الهواء الرياضي ومن الشركات معروفه مثل K&N او stillen .

فوائد الفلتر الرياضي يقوي فزت السياره , يرفع ضغط السياره RPM

مشاكل الفلتر /

يتعب البخاخات اذا ما تنظف بشكل متواصل .

السعر مع الانتيك 1450 ريال .

البعض ركبه وطاح عزم السياره ليش ؟؟؟؟؟؟؟؟؟؟؟؟

لانه ركبه بدون فتحات تهويه فوق الكبوت ولا حط وصله من الشبك ولاحط غطاء يصد حراره المكينه او مابرمج صح .

والافضل مثل الصور هذي طريقة التركيب والا لا تركب شي .

الطريقة الاولى

http://im26.gulfup.com/2012-04-19/1334833900561.jpg

الطريقة الثانية ولا مانع من الطريقتين مع بعض عشان يكون دخول الهواء اكثر

http://im12.gulfup.com/2012-04-19/1334833962971.jpg

كذا حصلنا على هواء خارجي اكثر لان فلتر الهواء الرياضي يسحب الهواء الخارجي بشكل اكثر من شد البلد .


نجي للقطعه الثانية وهي الهدرز طبعاً مثل ما الكل عارف ان المكسيما الجديده ما يجي لها بس انا رحت بنفسي للوكالة وسألت فقالي ان هدرز الاكستيرا يجي على المكسيما طبعاً بحث عن هدرز مخصص للاكستيرا .

فوائد الهدرز يجي اكبر من حق الوكالة بفارق ربع ان نص انش يعطي نفس اكثر من حق الوكالة مما يساعد على تنزل حراره السياره , يعطي راحه للمكينه في دفعيه الهواء الخارج منها .

مشاكل الهدرز /

يزيد من صرفية زيت من المكينة وبنسبه بسيطه بس ملحوظه .

هذي صورة هدرز الاكستيرا وسعره 1900 ريال

http://im18.gulfup.com/2012-04-19/1334834718131.jpg

نجي للقطعة الثالثة وهي الواي بايب مالها اضرار وتجي بعد الهدرز لحد دبة التلوث سعرها 1200 ريال .

http://im18.gulfup.com/2012-04-19/1334835928641.jpg

بعدها نجي لدبة اللتلوث وهذي ما ينفع تشيلها تسبب مشاكل بصرفية البنزين وتزيد الصوت اكثر بش شركة ماقنا فلو اعطتنا الحل بالدبه هذي سعرها حدود 300 ريال . وما انصح فيها لانها غير مخصصه للمكسيما .

http://im15.gulfup.com/2012-04-19/1334836025431.jpg

بعدها نجي للكت باك وما يجي مخصص للمكسيما الا شركتين بورلا و ستالين وهذي صوره له والسعر فوق 3800 ريال طبعا يجي مواصير دبة تنقيه الصوت مع الدبات الخلفية . والستالين افضل ونلاحظ بالصور ان دبة تنقية الصوت اكبر حجم من البورلا وهذا الافضل .

http://im9.gulfup.com/2012-04-19/1334836145951.jpg

http://im17.gulfup.com/2012-04-19/1334836209931.jpg

وهذا الشركة الوحيده اللي صنعت جهاز برمجة للمكسيما الجديده .

http://www.jetchip.com/shop/shopdisp...sppp=10&vall=1

السعر تقريبا لي الثلاث قطع من غير الشحن حدود 3837 ريال .

جهاز كمبيوتر وجهاز يساعد على توزان صرفية البنزين وجهاز برمجه للقطع التعديل .

الحين انتهينا من الفل هوائيات مع البرمجة طبعا الفايدة لو تركب كل اللي تكلمنا عنه بالاحصنه الزياده من 30 الى 50 حصان .

واهم شي تركيب قطع تجي مخصصه للمكسيما عشان اماكن الحساسات تجي بمكانها صح . نشيل حساس الوكالة ونركبه على قطع التعديل .

والمكسيما الجديده المشكلة فيها انها مكتومه والسبب هو موقع فلتر الهواء حق الوكالة وكذلك مابعد الهدرز ثلاث دبات وهذا اللي يخليها مكتومه .

التكلفة الاجمالية لقطع التعديل هي 14 الف .

طبعا انا جلست اكتب الموضوع ما يقارب 3 ساعات احتاج دعوه صادقة منكم وشكرا .

مع خالص تحياتي اخوكم من الرياض ( عبدالعزيز السريع )