![]() |
بعد استلام المفخره ولله الحمد
السلام عليكم ورحمةالله وبركاته
استلمت المفخره ولله الحمد يوم الثلاثاء الماضي وكان افضل من المتوقع اولا عملت بعض التعديلات 1- رحت لاقرب مخطط وفكيت الدعامه الاماميه و بحساسات شريتها من محلات الزينه ركبتها مكان خروم المسامير في الصدام الامامي وطلع شكله ما شاء الله تقول لكزس (على الاقل في نظري ) 2-ركبت اللوحات على اطار بلاستيكي اسود ساده اعطى شكل جميل للوحات وبدون مبالغات 3- ركبت فرشة الطبلون لحمايته من الشمس وباذن الله اسبوع بكثير والمضله راكبه ثانيا بعض التعديلات الي انوي اسويها واطلب مشورتكم 1- رفع مقدمة السياره شي بسيط بحيث ما يبان الموتر منكب على وجهه 2- فك استبهة الوكاله وتخزينها في البيت واستبدالها بجنط وكفر نحيف 3- تنجيد الاسيات مخمل و بدل تلبيس الارضيه باكياس اشتري فرش (موكيت) نوع قريب من ارضية السياره او اجود منه وارفع الاسيات وامده على ارضية السياره طبعا اكيد يحتاج لقص وتثبيت 4- عمل حمايه لوجههية السياره (فقط الانوار وشبك ) والمرايا جانبية 5- طبعا في المستقبل البعيد اذا الله احيانا ناوي اغير الشبك بشيك vxr وازارير الدركسون وشاشة ملاحه غير شاشة ابو جميل مع كميرا امامية وخلفية ثالثا ملاحظات على السياره طبعا مشيت لحد الان الف كيلو وان شاء الله السبت وانا في الوكاله لعمل صيانة الالف وفيه ملاحظات سجلتها في ورقه وهي 1- الهاند بريك ( الجلنط ) ما يمسك ابد 2- صوت تنسيم في الفرامل تحت الدركسون طبعا لما ادعس بريك 3- تنسيم هوى في باب سواق مع ان ممشاي ما يتعدى 100كلم وفيه ملاحظه صراحه ضايقتني وهي لما انزل من السياره وعيالي فيها ما تتسكر الابواب الا بالزر الي عند السواق يعني لازم يطمر واحد من الصغار الله يحفضهم يقفل ويفتح ازرار الابواب وارجو انكم ما تبخلون على اخوكم بالنصيحه والسلام عليكم |
الساعة الآن 08:56 PM |
Powered by vBulletin® Copyright ©2000 - 2025, Jelsoft Enterprises Ltd. By
Mohamed Mohtrf
عرب موتورز3.6.0 ©2011, Crawlability, Inc