معلومه عداد الاف جي الكاذب ,,
 

,, السلام عليكم ورحمة الله وبركاته ,,

يسعد صباحكم من اعضاء وزوار :)

قبل فتره انا وواحد من الشباب كنا نحوس بكتيب التعليمات مدري دفتر السياره

ولفت انتباهنا بالدفتر بأحد الصفحات مكتوب .. السرعه القصوى : 175 !!

قلت وين الهياط وتحت الـ180 :SnipeR (99):

ولله الحمد ماني من مدمنين السرعه والطفاقه بس حكتنا اللقافه (بريداويين) الا نجرب

على موتري شاشه صينيه بس فيها نفقيشن يقيس السرعه ونمشي لين فصلته(تحت180)
ويطلعلنا بالشاشه 175 !!:SnipeR (2):
قلنا شاشه صينيه ابوكلب مافيه اي وثوق
طلعنا قارمن النوفي الجديد تقريبي لحد 3 متر عن الواقع (يعني دقيق بزياده) بس برضو غاليه بزياده :SnipeR (34):
ونمشي الطبلون .. وللأسف برضو 175 :tinysmile_cry_t3:

لالا نجرب ايفون وحملنا اكثر من برنامج قياس سرعه عن طريق gprs ونفس السالفه 175

وسوسنا كلنا نقطع الشك باليقين والله واشيل عزبتي من قارمن وايفون
واركب موتر خويي اف جي 2011 ونفسسسسس الارقام :SnipeR (88):

*للمعلوميه مو 175 يعني ثابت لا . يلعب بين 174 و 176

فـ دريت بالاساس ان ما عندنا سالفه :) واننا قنوعين بـ140

بعدين واذا 175 ؟؟ عالاقل احسن من فورد امريكي ولا جمس امريكي حده 160 !! (يرقع)

هههههههههههههههههههههههههه

ما اقول يا اخوان الا انتم في غفله هههههه قصدي الله يفككم من السرعه وبلاويها

وكل يوم واحد ناط بموضوع ابي اشيل الفصله !@#؟

الله والموتر اللحين اللي انواع الثبات والرياضيه البحته :SnipeR (99):

ترى جيب وصغير يعني ممشاك 160 انت تلعب بالنار ..

حتى لو تقول انت طاره مقطع اربع اربع بقوانين الدايري بس المشكله بالغشيم اللي يبلاك

واعذروني عالطويله والعذر عالقصور ..




اخوكم/ أبو وعد