عرب موتورز arabmotors موقع السيارات العربي الاول - كيف نحسب حسبة الهورس باور! HorsePower's Lesson with COZ

هلاو بالشباب
رجعت بعد قطعه طويله و رجعتي مفيده بأذن الله

ندش بصلب الموضوع ....

بو فراس في خدمة الناس: شباب سمعتوا بموستنج 2011 ؟ الي طق ال400 حصان؟؟!!
بو فوزي : اييه سمعت فيه , بس الكمارو رقمه اكبر , يعني اسرع , روح عدل الباكيج و تعال !!
بو نبيل : بو قتاده , عن شنو قاعد يسولفون هذول ؟ البورصه حمرااااايييييي؟!!!
بو قتاده : شباب , اعتقد الموستنج يطوف الكمارو لأنه وزنه اخف , و بو نبيل الله يشفيك

^^^
ملقني

كوز يتحدث :الهورس باور حسبه اخترعها المهندس James watt الي عاش ما بين 1736 الى 1819 يعني شبع موت
انزين شلون اخترعها ؟ الحبيب عنده مختبر , كان يخلي الخيل او الحصن يشيلون الفحم من مكان ليه مكان , فا قال يبي يشوف شلون يحسب قوتهم.....
و اكتشف انه بالمعدل كل حصان يقدر يشيل 22 الف رطل بالقدم في كل دقيقه , و بعد التعديلات اكتشف انه لازم يزيد 50 بالاميه من قوة الحصان الي اهو 33 الف رطل بالقدم في كل دقيقه .
يعني : الحصان الواحد = 33 الف رطل بالقدم
ادري انكم ما فهمتوا شي
التوضيح : الهورس الباور واحد = الحصان يشيل 330 رطل من الفحم , و عنده دقيقه بالظبط علشان يمشي فيه 100 قدم
او 33 رطل و عنده دقيقه علشان يمشي 1000 قدم
حتى يجوز يشيل 1000 رطل و عنده دقيقه علشان يمشي 33 قدم
و تقدر تحسب اي حسبه دام انه مجموعه 33 الف رطل بالقدم

اذا ليلحين ما فهتوا , شوفوا الصوره للتوضيح

http://www.mlfnt.com/lives/12832172961.gif

فهمتوا الحين ؟ اذا لأ , ههههه اسمحلي الصيام مأثر فيك يبيلك راسين بصل تريك فلو يعطيك 60 حصان < قطه ولا ابيخ

خلاصة الموضوع : اذا السياره 440 حصان , يعني تقدر تشيل 33 الف رطل بالقدم x 440
يعني اقوى من الحصان 440 مره , وحش كماروي هع هع
بس اذا كانت السياره كهربه او مكنسه , انسى الي قلته و يبيلك 746 واط علشان تكمل حصان واحد

شلون نحسبها بالسياره ؟
اعتقد الكل يعرف , الداينو , اهي الي تحسب دوران التاير او الكرانك للمكينه و كل ما كبر الرقم طبعا زادت السرعه ....