السلام عليكم ورحمة الله وبركاتة
مساكم خير مشرفين و أعضاء ،،
الموضوع وما فيه نويت اركب شاشة وميزانيتي الفين ريال مو اكثر , سألت عن الشاشات وكل واحد يمدح لي رود ماستر بس انا مالي خبره في الشاشات.
فحبيت تساعدوني ان كانت زينة او لا ؟؟
بنفس الوقت ابي اعرف اذا ما عليكم امر اذا ركبت الرود ماستر بكاميرا تكون الكاميرا نفس الوكالة (شد بلد) ؟؟ وشنو نوع الكاميرا بالأضاءة الليلية وضد الماء نفس شد بلد؟؟ وكيف تناسق الشاشة مع الديكور والأضاءة ؟؟ وهل ازرار التحكم كلها تشتغل صوت وتبديل مقطع من اغنية الى ثانية بنفس الترتيب والا فيها لخبطة ؟؟ وهل ازرار البلوتوث تشتغل او لا ؟؟ وهل بالأمكان اشغل الخرائط مع الراديو نفس اللكزس او لا ؟؟ واذا دقيت ريوس يطفي الراديو او لا ؟؟ والحساسات الأمامية تظهر بالشاشة او لا ؟؟ وال gps داخل الشاشة او يكون لاقط على الطبلون ؟؟
اعذروني على كثرة هالأسئلة بس ابي منكم نصيحة وأفادة في هالشاشة لأني فريت شارع الملك سعود وكل واحد يقول لي كلام وما خذيت لا حق ولا باطل من اليمانية فأبي شخص مركبها يجاوب على أسئلتي او يعطيني نصيحه بشاشة تكون حدود ميزانيتي وما تزيد عن 2000 ريال وطبعا الشاشة اللي اقصدها ال cd يكون بره بدون باب.
ويعطيكم الف عافية يا غالين.
hsjtshv hfd lk;l lshu]m td hojdhv hgaham ,hszgm uk hgv,] lhsjv