السلام عليكم ورحمة الله وبركاته ...

أنا انقطعت عن المنتدى لفترة وحبيت أرجع لكم بهذا الموضوع ... وان شاء الله يكون مفيد ..

صراحه وجدت الكثير من التساؤلات عن الدبات الرياضيه وحبيت إني أعطي فكره بسيطه عنها ... بناءا على

معلوماتي المتواضعه ..


الدبات الرياضيه ( muffler ) أو ( Exhaust systems ) هي في الأصل كواتم للصوت ولكن بناءا على

رغبة بعض الزبائن قامت الشركات الكبرى بتصميم الدبات ذات الصوت الرياضي ...

وتجي بأشكال وأحجام وأصوات مختلفة ... ومن الشركات الرائدة في هذا المجال

MAGKAFLOW و هذا موقعهم على النت www.magnaflow.com

وهذا مثال عليها

BORLA وهذا موقعهم www.borla.com

وهذا مثال عليها

FLOWMASTER وهذا موقعهم www.flowmastermufflers.com

وهذا مثال عليها

طبعا في شركات ثانيه غيرها كثير ... والاسعار تتراوح من 500 الى 1000 ريال على حسب الشكل

وأنا شخصيا أفضل شركة magnaflow

أما من ناحية أماكن بيعها .. فعندك بالرياض ريد لاين ( RED LINE ) اللي بالتحلية أو محل اسمه 4500

بالربوة أو ييلو هات ( YELLOW HAT ) اللي على الدايري الشرقي بين مخرج 12 و 13

وللمعلومية الدبات الرياضية تزيد من عزم السيارة تقريبا من 5 الى 15 حصان ولا تسبب أي ضرر للسيارة

ولكن علشان أكون صريح معاكم الدبات الرياضية تعتبر مخالفة مروريه يعاقب عليها النظام بمخالفه أتوقع 100

أو 150 ريال ولكن مو كل العساكر يوقفونك .. يعني انت وحظك

فيه نوع آخر من الدبات واللي يسمونه (سدة ) وهذا النوع تقدر تسويه عند أي محل شكمانات بالصناعية

وميزته انك تقدر تسكره بأي وقت ويكلف تقريبا 100 ريال أو أقل ولكن صوتها مزعج جدا وغير منتظم ..وهذا

النوع اللي يركبونه أصحاب الونيتات والجيوب غالبا ... وبالمنسبة هذا النوع أيضا لا يسبب أي ضرر للسيارة

من واقع تجربة ...


وهذا رابط لمثال على هالنوع من الدبات

النوع الثالث من الدبات هي الدبات المصنوعه في تايوان أو سوريا ... وهذي سيئة ولا أنصح فيها ...

تتراوح اسعارها من 150 الى 300 ريال بس على الفاضي .. يعني ما تسوى .. صوتها سيء وسعرها غالي

بالنسبة لأداءها .. وهذا النوع موجود بالغرابي