بسم الله الرحمن الرحيم

السلآم عليكم ورحمة الله وبركاتهـ ..


طبعا الموضوع وبدون مقدمات
هو أني رحت للبحرين قبل امس وقلت خلني أسير ع الوكالة
واشوف سعر النسافات (splash guards) واشوف ان كان سعرها مناسب لي .. طقيتها :dhh:

وكانت خدمة قطع الغيار شوي تعبانة أول ما دخلت يقول لي السستم معلق خخخ
و أعاد تشغيل الجهاز وما ظبط وجاب هندي وحاس شوي ومشت الامور

الزبدة عاد لا نطول عليكم
النسآفـــآات .. تنباع كل قطعة لحالها زي ما راح تشوفون بالفاتورة
يعني قدام يمين لحالها وورا يسار لحالها وهكذا

سعر الامامية 12 دينار = 120 ريال للحبة الواحدة
سعر الخلفية 13 دينار = 130 ريال للحبة الواحدة

المجموع 12+12+13+13 = 50 دينار = 500 ريال للـ4 قطع

الخصم بدون ما أسأله عنه سوآ لي خصم 5 دينار = 50 ريال

المجموع بعد الخصم = 45 دينار = 450 ريآل :dhh:


طبعا القطع تجي كل وحدة بكرتونهآ ومسكر من كل الجهات
وتجي سودآ بدووون صبغ

كل كرتون يكون فيه القطعة + ورقة تعليمات التركيب + كيس صغير به براغي واكلبسات للتركيب

وهذي الصور بجهازي الخارق N95 لعيوونكم من شنطة المكس :dhh:









يا شباب وصف وكالة نيسان البحرين في غاية السهولة
تدخل البحرين وبعد ما تعدي الجسر تكمل كله سيييييييده
لين تجيك لوحة قبل كوبري مكتوب يمين (سترة)
تلف يمين وتكمل سيدة بتشوف وكالات سيارات كثيرة لين تشوف نيسان على يسارك
تديور مع الاشارة والحمدلله على السلامة تكون وصلت

....

ترقبوا التقرير الثاني .. عن صبغ النسافات وطريقة التركيب في المنزل
+
الصور قبل وبعد التركيب
ان شاء الله تعالى :)

تحياتي .. أخوكم إسماعيل

pwvd : jl avhx hgkshthj lk hgfpvdk (hg.,hd]) < ugn r,gm fuq;l oo