السلام عليكم ورحمة الله وبركاته
وسالفة سنة 2004 اشتريت موتر عن طريج تمويل من شركة أصول وبعد سنة استوت وياي مشكلة وهي تركي للعمل وما رمت ادفع الأقساط الشهرية للموتر وكان التمويل على 48 شهر وقررت أسلمهم الموتر وفعلا هذا اللي حصل وتم تسليمهم الموتر وتم بيعه عن طريجهم وتم دفع المبالغ اللى عليه سنة 2006 وخذيت منهم شهادة براءة الضمة لكن من كم شهر سنة 2010 باني اتصال من مركز الشرطة في دبي يخبرني أن على بلاغ شيكات بدون رصيد وعددها 15 شيك ويوم سرت أرجعهم خبروني أنها قيمة إرباح على الموتر ما دفعتها لشركة أصول وخبرتهم أنى دافع كل شي وعطيتهم صورة من الشهادة وخبرتهم أن الشيكات هاي إنا عطيتها لشركة أصول كضمان لدفع أقساط الموتر سنة 2004 مب الحين سنة 2010 ومع هذا تحول الموضوع للمحكمة فمعقول المحكمة تحكم لصالح أصول حتى لو عندي شهادة براءة الضمة !؟ عيل شو فايدة هاي الشهادة دام بعد أصول تروم ترفع دعوة وتستغل شيكات كانت لموضوع غير ، وسؤالي الثاني في حد مر بمثل ها الموقف أو حد من معارفه وشو استو فيه اخر شي
uk]d hsjtshv uk Hw,g ,jl,dgih ggl,hjv ,id td kts hg,rj lwdfm