السلام عليكم
اليوم استلمت الكورولا 2011 محرك 1.8 فل كامل GLI
طبعا السيارة مرة رووووعة واكثر شيء عجبني لما تقفل السيارة المرايا تتسكر لحالها ولما تفتح القفل تفتح المرايا وكذلك لما تعشق R يعني تبغى ترجع للخلف المرايا تتعدل وتنزل لحالها وتعطيك رؤية واضحةعلشان تشوف الزوايا الصح !! والسناسر شغالة زي الفل
التكيف ممتاز جدا عكس ماسمعت ودافيء في نفس الوقت واعجبني نظام التوتش بالتكيف جدا
النظام السمعي روووووعة بكل ماتعنيه الكلمة مع 6 سيدي جينجر ومن رأيي الشخصي افضل نظام سمعي بفئة ال4 سلندر اليابانية او الكورية
السيارة لم اتعدى فيها سرعة 80 بحكم انها تحت التمرين
لكن المحرك الجديد ذو نظام vvti الثنائي حسسني اسوق محرك 6 سلندر ماشاء الله سلس جدا يعني مايطلب منك دعسة قوية حتى توصل إلى سرعة عالية
الجلسة سبورتيه وتحس جالس بسيارة فخمة وتعطيك ثقة كبيرة بالنفس
السيارة ناعمة جدا والصوت منعدم
الصراحة استغرب من اللي يذم الكورولا
الكورولا 2011
افضل من التيدا 2007 الجديدة بمرااااااااااااااااااااحل من جميع النواحي من الجير والمكينة والراحة والجودة والاداء و و و و ....ألخ
والشكل الجديد لو توقفه جنب الكامري ماتقدر تفرق بينهم إلا من الخلف والجنب يعني تشابه 90% من الامام مع الكامري
والتغييرات الجديدة على الشكل بكل صراحة اضفت جمال غير مسبوق على الكورولا وجعلتها على رأس فئتها من حيث الجودة والاداء والشكل والراحة ..... ألخ
خصوصا الفل gli يستحق كل ريال فيه
هذا انطباعي الاول للسيارة وهي مشت لحد الان قريب ال 90 كيلو
وحاليا افكر انزل صور مع تحديث انطباعي عن المحروسة الجديدة
تقبلو تحياتي
hsjlglj hg;,v,gh ,hk'fhud hgH,g !