السلام عليكم ورحمه الله وبركاته
طبعا هاي اول مشاركه لي في هالموقع المحترم واتمنى اكون عضو خفيف هب ثجيل عليكم
يلا نبدا في البزنس :075:
اول شي وقبل كل شي من العنوان كل شي واضح للبيع 60 anniversary land cruiser
واللون هو اسبشل طبعا ومحدود ( ازرق فاتح ميكا معدني ) في النهار لون و في الليل لون باختصار اللون روعه وماتمل منه وغير جيه ماشي بس 700 كيلو بسسسسس 700 كيلو وغير جيه انه اتغسل مره وحده وفي الوكاله طبعا والغسيل من داخل بعد الوكاله يعني شغل وكاله في وكاله والمكينه 5.7 لتر تعطيك 383 حصان يعني انت واللكزس 570 واحد :064:
طبعا لو رحتوا الوكاله بتحصلون نفس الموتر على 295000 درهم اذا هب اكثر بشويه وانا عارضه للبيع بالسعر اللي انتوا تبونه بس هب تاخذونه بلاش بعد انا اريد استفيد :075: يلا نقول حصلنا شراي ؟؟
اوه صح نسيت اقولكم الموتر وارد الفطيم وهو الحينه واقف في الوكاله يتريا الشراي اليديد وطبعا سالفة الخمس سنوات غير محدد الكيلومترات وكل شي على الوكاله ماعدا التواير والسفايف والايل :064:
اتمنى اكون واضح في هذا المووضوع وانا جاد بالسعر اللي انتوا تبونه... :075:
وشكرا كثيرا وايدا جدا :075:
ماعرف القوانين هنيه بس اللي يبا يتواصل يطرش رقمه عالخاص :075:
60 anniversary land cruiser