السلام عليكم
اولا الشركه تابعه لمجموعه الفطيم - و هي تاني اكبر شركه تأمين بالأمارات (علي حد قولهم)- و لها عده فروع بدول عربيه مختلفه
الشركه ستحل محل اي تأمين بتوكيلي تويوتا و هوندا و ذلك بعد انتهاء وثائق تأمين كل عملاء هوندا و تويوتا
مع العلم انهم موجودين و شغالين في التوكيلين بجانب التأمين السابق ( علشان اللي عاوز يؤمن من الان معاهم )
و همه بيتعاملوا مع شركات فقط - يعني ملاك هوندا و تويوتا و موظفين البنوك اللي متعاقده معاهم-- مينفعش مثلا واحد من ملاك الجولف يروح يؤمن معاهم - الا لو توكيل فولكس فاجن اتعاقد معاهم
مميزاتهم عن باقي الشركات:
1- نسبه تأمين منخفضه مقابل المزايا المقدمه
3.5% كنسبه تأمين دون تحمل (ده للسيارات الزيرو فقط -و لمده عام اي مره واحده فقط)
3% كنسبه تأمين بتحمل و نسبته 10% من اجمالي الفاتوره
2- تقوم الشركه بمحاسبه التوكيل مباشره ( بعكس باقي الشركات - انت بتحاسب التوكيل و بعد كده تروح تاخد فلوسك من شركه التأمين )
3- اذا وجدت خدوش ظاهره الشركه مسؤوله عن معالجتها (معظم الشركات بترفض الخدوش - لازم خبطه )
4- لو قام احد بايذاء عجل سيارتك الشركه تتحمل التغيير ( يعني لقيت حد قطعه بسكينه او زجاج - غالبا مش هيتصلح - فهيغيرهولك )
5- مده التصليح بالتوكيل عشر سنوات - اول خمس سنوات عادي - والخمسه التانين هيزودوا نسبه التحمل الي 25%
و هيصلحلك في التوكيل برده
( اما باقي الشركات اللي بتصلح في التوكيل اساسا - بتصلح اول خمس سنين فقط بالتوكيل و بعد كده في ورش )
6-اذا كنت انت اللي غلطان في الحادث - الشركه بتصلح للي خبطته بحد اقصي 10000 - (عشره الاف جنيه)
7-لو عربيتك احتاجت تتنقل بونش بينقلوهالك بحد اقصي 100 جنيه (مئه جنيه) - و اي زياده تدفعها انت
- في حاله اصابه الركاب بيصرف 100 جنيه لكل راكب
الكلام ده كله انا مأكد علي الموظف انه سليم
و انا الحمد لله أمنت معاهم - وان شاء الله منشفش حاجه وحشه
و ياريت اي حد برده قبل ما يؤمن معاهم يتأكد من المميزات ده - و يقرأ الوثيقه جيدا
و لو لسه هتستلم سيارتك الجديده قريب و ناوي تؤمن - يفضل تؤمن قبل الترخيص علشان متتفحصش - لراحتك
av;i hglavr hguvfd ggjHldk (hghk fj,;dg j,d,jh , i,k]h)-lld.hj lljh.i