- مساء الخير --- صباح الخير
لعموم الافالونيين وبقية الاخوة قبل تقريباًَ عشرة ايام نزلت موضوع عن تاير بلاس ميشلان فرع الغرابي ... حيث اني قمت بشراء كفرات طقم من عندهم بمبلغ زايد عن السوق 90 ريال في كل كفره تقريباً .
المهم نجي للب الموضوع .. سافرت لجدة ونا راجع اول البارح في الليل وإلا يقولو الشباب اللي راكبين معي بالسيارة انو في صوووت في الكفر الخلفي حتى انا بديت اسمع هالصوت المهم وقفنا على طول على جنب تفحصنا الكفر من برا مافي اي شيء ولاتنسيم ولاغيره ... المهم توقعت انو في تحبيل قمت ادخل يدي من جوة الكفرات واتحسس وإلا تجي المفاجأة انو احد الكفرات الخلفيه محبل من كل مكاااااااان دار ما دار من الداخل ... المهم فكيناها وغيرناها بالأستبنه بصرررراحه قمة القهر ماكملت عشر ايام وهذي آخرتها يالميشلان تاير بلاس.
على طول وصلت للرياض راجعت تاير بلاس الغرابي عند واحد اسمه محمد ماشاءالله قوووة خياليه في التصريف قال هذي مايشملها الضمان لانها محبله قلت طيب يعني انا اللي حبلتها اكيد كفراتك فيها إنا ياالتخزين سيء يا انها فيها بلاء الله عليمه.
المهم شيل ابوك حط ابوك آخر شيل كلمني واحد تقريباً اسمه فيصل بصرراحه الرجال ماقصر قال شوف انت بس راجع تايربلاس "التعويض" فرع طريق الملك عبدالعزيز بالعليا تقريباً شمال المهم راجعناهم وماقصروا حصلنا واحد اسمه كريم مصري فحص الكفرره وقام يخطط عليها بخطاط يعنني ... المهم قال نغيرها لك لكن تدفع 50% من قيمة الكفر لأن الضمان مايشمل التغيير كامل على حسابنا ... قلنا هالشي ترى في ذمتك وامانة ..
المهم غيرناها وبصررراحه كانت رحلتي مع هالكفرات سيئه واول مره يصير معاي كذا وياكثر الناس اللي لقيتهم يتشكون ويغيرون .
rfg uavm Hdhl ydvj ;tvhj ldaghk ,,hp]il lkil 'guj lpfgi>