السلام عليكم ورحمه الله وبركاته
يالله انت تحيهم ابدخل علطوول بالموضوع
على قولتهم الزبــده
انا ابقولكم وضعـي وانتم قيـمو وعطون رأيكم
اول شي انا ادرس بالجامعه طبـعا جامعه القصيـم
واهلـي بالريـاض وكل اسبوع وراء اسبوع اجي للرياض يعني خطوط رياض قصيم قصيم رياض
المهم وانا معي كورد 2006 سبشـل طبـعا انا فاكه وكاله والحمد لله لي 5 سنين معـي ولله الحمد تمـام التمـام بس مليــت خلاص ابغيير يعني وناوي على موتر يكون اول شي حلوو وكششخه ابي اللي بالشارع الثاني اذا شافن انهبـل وابي سياره حقت خطوط وقويه تحمـل ..وابي احسـن من الكورد معروف كل واحد يأخذ السياره اللي ازين من اللي قبله .. يعني اللي ازين من اللي معي وش ؟؟
وانا الصراحه محتــاار مدري وش اشتري
محتار بين بعض السيارات
(( افالون 2011 × كابريس 2011 × لكزس 430 2006× مكسيما 2011 ))
ومحتـــار مررره مدري وش اشتري وابيكم تنصحوني وش اشتري من ذولي
ومابي تقولي خذ افالون علشان معك افالون ابي تقول من ناحيت كل شي
ومعليش طولت عليكم بقرقي
وعلى قولتهم نستفيد منكم واهنيكم على الموقع النــايس
مووودتــــي
hggi ghdidk; jtqJg ,u'k vHd; >>