يا اخواني .. اليوم شفت السيارة الي استشرتكم فيها والي هي BMW 760iL Individual موديل 2004 وماشية 105 آلاف كيلومتر ومطلوب فيها 90 ألف ريال ..
صراحة استقبال الأخوان كان اكثر من رائع جزاهم الله كل خير وكانوا واضحين جدا في توضيح عيوب السيارة وابرزها انه فيه تهريب في كهرباء السيارة بحيث البطاريات تفضى خلال 8 او 9 ساعات كل مرة ومو عارفين ايش السبب !!
والنقطة المهمة الثانية ان واحد من المساعدين الأماميين تشعر كأنها هابطة من قدام شوية مع تأكده ان المساعد يمشّي سنتين على الأقل بإذن الله ..
فيه بعض الأشياء البسيطة مثل فيه شطبة صغيرة في الزجاج الأمامي امام مقعد الراكب وفيه لمبة محروقة وحولها مسودّ كأنها اشتعلت للشماسة الخلفية الوسطانية وايضا فيه اللمبة حقت اللوحة الخلفية احيانا تعلق وتظهر في فحص الكمبيوتر حق السيارة لكنها تشتغل اذا الواحد دقها دقة خفيفة .. وآخر شي داخلية السيارة جدا نظيفة ما شاء الله ماعدا الدركسون الناحية الجلد فيه غامقة كثير وكمان تكاية باب السواق برضو جلدها غامق جدا من الاستعمال غير كذا كله تمام ما شاء الله .
انا ناوي بإذن الله اوديها الفحص اليوم في الشركة فحص شامل فهل فيه نصيحة يا اخوان بالنسبة للعيوب هذي او بالنسبة للفحص ؟
انتظر رأيكم بارك الله فيكم .
i`i ud,f hg BMW 760iL Individual hgd hsjavj;l tdih ,hjlkn vHd;l g, j;vljl