السلام عليكم ورحمة الله

أخواني أعضاء المنتدى الكرام تقبل الله منا ومنكم صالح الأعمال

عندي تجربة قمت بها والحمد لله تكللت بالنجاح وحبيت أني أفيد أخواني فيها

وهي اخفاء صوت القرقعه اللي في المرتبة وذلك باستخدام أدوات بيتيه وغير مكلفه

موتري لاندكروزر موديل 2003

كان فيه صوت قرقعه في الموتر وبعد البحث والتحري لقيت أن المشكلة في المرتبة الوسطى وبالتحديد في الأسيام اللي تثبت التنجيده

شوفوها اللي محددة بالاحمر



طبعا سبب القرقعه هي عدم ثبات المرتبة وبالتالي اهتزازها مما يؤدي إلى تحرك هالسيام واصدار هالاصوات المزعجة واللي يدل على هذا انه إذا ركب احد ورى يختفي الصوت تماما

نجي الحين لحل المشكلة

أولا : الادوات

سكروب + سكين + لستك + قماش أو اسفنج أو بيز اللي تبي




والحين نبدا بالشغل

اول شي نفك الربلة اللي تثبت المرتبة وعددها ثنتين يمين ويسار



وبعدين ناخذ اللستك ونحطه بين الربلة والمرتبة انا حطيت 6 طبقات ربل ولكم التقدير اذا يحتاج اكثر او اقل

شوفوا بهذ الشكل





بعد تركيب المسمار قصيت الحوياف الزايدة من الربل ( عاد شغل مرت ابو )



والحين نقوم بالاختبار طبعا شوارعنا اختبار جيد



من خلال الاختبار تبين أن صوت القرقعه خف لكن ما زال فيه صوت

قلت يا انا يا هو :mad:

اخذت قطعة قماش من تنجيدة قديمة بهذا الشكل


وصفطتها مرتين بحيث صار أربع طبقات ودخلتها تحت فرشة السيارة في المكان اللي تجي فيه الربلة



وهذا هو المكان اللي دبلته من تحت



يالله بسم الله اختبار ثاني





والحمد لله الصوت اختفى بنسبة 90 بالمية حتى أني اكتشفت اصوات في الديكور ما كنت اسمعها:D


أتمنى أن شرحي كان واضح ومفيد وأنه يحل مشكلة منتشرة بين أصحاب اللاند كروزر ومن باب اولى غيره &lt***** تراها مهب دقه ابد

والسلام عليكم

Yothx w,j rvrum hglvjfm ghk] ;v,.v 2003